حلیمہ سلطان نے شوٹنگ کے دوران لی گئی تصاویر مداحوں کیلئے شیئر کردیں

شہرہ آفاق ترک ڈرامہ ارطغرل غازی میں حلیمہ سلطان کا مرکزی کردار ادا کرنیوالی اداکارہ اسرا بلجیک نے دوران شوٹنگ لی گئی تصاویر مداحوں کیلئے سوشل میڈیا پر شیئر کردیں۔

ارطغرل غازی کی شاندار کامیابی کے بعد اسرا بلجیک کے مداحوں میں بے پناہ اضافہ ہوا ہے اور ناصرف ترکی اور پاکستان بلکہ پوری دنیا میں لوگ اسرا بلجیک کو پسند کرتے ہیں۔

مداحوں کی پسندیدگی کے پیش نظر اداکارہ اسرا بلجیک اکثر و بیشتر اپنی مصروفیات کی تصاویر سوشل میڈیا پر مداحوں کیساتھ شیئر کرتی ہیں جبکہ اب انہوں نے شوٹنگ کے دوران لی گئی تصاویر شیئر کی ہیں جنہیں مداحوں نے بیحد پسند کیا ہے۔

View this post on Instagram

A post shared by Esra Bilgiç (@esbilgic)

واضح رہے کہ عالمی شہرت یافتہ ترکش ڈرامے’’ارطغرل غازی‘‘ کے دوسرے سیزن میں تگتیکن (تیمور) کا کردار نبھانے والے اداکار ’اور گنیش‘ اور اداکارہ اسرا بلجیک جلد ہی ترکی کے ایک اور ڈرامے میں جلوہ گر ہوں گے۔

مزید پڑھیں:ترکش اداکارہ اسرا بلجیک کی نئی تصاویر سوشل میڈیا پر وائرل

ترکش سیریز ارطغرل غازی میں جہاں حلیمہ کا کردار بیحد مقبول ہوا وہیں تگتیکن کو منفی کردار کے باوجود بھی پسند کیا گیا۔اور گنیش کی جانب سے نبھائے جانے والے تیمور کے کردار کو اس قدر پسند کیا گیا کہ انہیں مقامی وزارت کی جانب سے جاندار اداکاری پر ایوارڈ بھی دیا گیا تھا۔

رپورٹس کے مطابق اب دونوں اداکار ایک اور ڈرامے ’کانوسوز توپلراکلر‘ میں مرکزی کردار میں نظر آئیں گے، اس ڈرامہ سیریل کی شوٹنگ بھی شروع ہوچکی ہے۔

اسرا نے اپنے انسٹاگرام اکائونٹ کی اسٹوری پر گنیش کے ساتھ تصاویر شیئر کرتے ہوئے ایک ساتھ ڈرامے میں آنے کی تصدیق بھی کی۔