گوگل نیوز پر ہمیں فالو کریںکوالالمپور: انگلینڈ ویمنز کرکٹ ٹیم نے دوسرے ٹی ٹونٹی میچ میں پاکستان ویمنز کرکٹ ٹیم کو 84 رنز سے شکست دیکر تین میچوں کی سیریز میں 2-0 کی فیصلہ کن برتری حاصل کرلی۔
کنرارا اوول ملائیشیا میں کھیلے جانے والے میچ میں مہمان ٹیم کی کپتان ہیتھر نائٹ نے ٹاس جیت کر پہلے بیٹنگ کا فیصلہ کیا۔ انگلینڈ ویمنز کرکٹ ٹیم کی اوپنرز ایمی جونز اور ڈینی وایٹ نے اننگز کے آغاز سے ہی میزبان باؤلرز کے خلاف جارحانہ کھیل کا مظاہرہ کیا۔
دونوں بیٹرز کے درمیان 68 گیندوں پر 120 رنز کی شاندار شراکت نے میچ میں انگلینڈ ویمنز کرکٹ ٹیم کی پوزیشن مستحکم کردی۔ ایمی جونز نے 52 گیندوں پر 11 چوکوں اور 3 چھکوں کی مدد سے 89 رنز کی اننگز کھیلی جبکہ ڈینی وایٹ 36 گیندوں پر 55 رنز بناکر پویلین واپس لوٹیں۔
دونوں بیٹرز کے علاوہ مہمان ٹیم کی کوئی کرکٹر بھی لمبی اننگز کھیلنے میں ناکام رہی تاہم انگلینڈ ویمنز کرکٹ ٹیم نے مقررہ 20 اوورز میں 5وکٹوں کے نقصان پر 185 رنز بنائے۔ قومی خواتین کرکٹ ٹیم کی جانب سے انعم امین اور ندا ڈار نے 2،2 وکٹیں حاصل کیں۔
186 رنز کے تعاقب میں قومی خواتین کرکٹ ٹیم کی بیٹرز ایک بار پھر متاثرکن کھیل کا مظاہرہ کرنے میں ناکام رہیں۔ مڈل آرڈر بیٹر ارم جاوید کے علاوہ کوئی بیٹر بھی لمبی اننگز نہ کھیل سکی۔ قومی خواتین کرکٹ ٹیم کی صرف 3 کرکٹرز ڈبل فگر میں داخل ہوسکیں۔
یہ بھی پڑھیں: کارکردگی نہ دکھا سکا تو کرکٹ چھوڑ دوں گا،کپتان قومی ٹیم اظہر علی
