گوگل نیوز پر ہمیں فالو کریںلاہور:صوبے پنجاب میں پہلے مرحلے کے بلدیاتی الیکشن 29 مئی کو کرانے کا فیصلہ کیا گیا ہے۔
ترجمان الیکشن کمیشن کے مطابق چیف الیکشن کمشنر سکندرسلطان کی زیرصدارت بلدیاتی انتخابات کی تیاریوں اور انعقاد سے متعلق اہم اجلاس ہوا جس میں طے کیا گیا کہ پنجاب میں پہلے مرحلے کے بلدیاتی الیکشن 29 مئی کو کروائے جائیں گے۔
پنجاب میں پہلے مرحلے میں 17 اضلاع میں بلدیاتی انتخابات ہوں گے،پہلے مرحلے میں ڈی جی خان،راجن پور،مظفر گڑھ،سیالکوٹ، لیہ،خانیوال، وہاڑی، بہاولپور، ساہیوال، خوشاب، پاک پتن، ٹوبہ ٹیک سنگھ، گجرات، حافظ آباد، منڈی بہااؤلدین، جہلم اور اٹک کے اضلاع میں بلدیاتی انتخابات ہوں گے۔
دوسری جانب پنجاب کے سرکاری ونجی سکولوں میں سالانہ امتحانات کا اعلان کردیا گیا، امتحانات 9 مئی سے شروع ہوکر20 مئی تک جاری رہیں گے۔
سالانہ امتحانات کے نتائج کا اعلان 31 مئی کو کیا جائے گا۔ تمام سکولوں میں نرسری سے آٹھویں جماعت تک کا امتحان منعقد ہوں گے۔
مزید پڑھیں: اسلام آباد ہائی کورٹ نے فیصل واوڈا کی تاحیات نااہلی کے خلاف درخواست مسترد کر دی
