ڈرامہ سیریل نیہر کی پہلی قسط نشر، یو ٹیوب پر لاکھوں افراد نے ویڈیو دیکھ لی

پاکستانی شوبز انڈسٹری کے معروف اداکار اسامہ طاہر اور صبور علی  کے نئے ڈرامہ سیریل نیہر کی پہلی قسط نشر کی گئی ہے۔ یو ٹیوب پر لاکھوں سوشل میڈیا صارفین نے ویڈیو دیکھ لی۔

تفصیلات کے مطابق ڈرامہ سیریل نیہر کی پہلی قسط کا آغاز ایک لڑکی کی زہر کھانے سے ہونے والی موت سے ہوتا ہے۔ ڈرامے میں اسامہ طاہر اور صبور علی کے علاوہ شفاعت علی، اریبہ حبیب، صائمہ قریشی اور فرحان علی مرکزی کردار نبھا رہے ہیں۔

یہ بھی پڑھیں:

سنگاپور میں مسلمانوں کے خلاف بنائی گئی فلم پر پابندی عائد 

سینئر اداکارہ رابعہ نورین، منزہ عارف، تہمینہ علی خان، عمر اقبال، اینجلین ملک، فیضان خان اور دیگر فنکاروں نے بھی ڈرامہ سیریل نیہر میں اداکاری کی۔ ڈرامے کی پہلی قسط کی یو ٹیوب پر نشر کی گئی ویڈیو کو اب تک 3لاکھ 8ہزار 659افراد نے دیکھ لیا۔

فوٹو شیئرنگ پلیٹ فارم انسٹاگرام پر اپنے پیغام میں ڈرامہ نشر کرنے والے چینل ہم ٹی وی کا گزشتہ روز نیہر میں اداکاری کے جوہر دکھانے والے فنکاروں کی تصویر شیئر کرتے ہوئے کہنا تھا کہ ڈرامے کی خوبصورت کاسٹ ناظرین کی منتظر ہے۔ 

 

View this post on Instagram

 

A post shared by humtvpakistan (@humtvpakistanofficial)

نیہر کسے کہتے ہیں؟ 

اردو لغت میں لفظ نیہر کا مطلب بیوی کے گھر والے، شوہر کا سسرال اور میکہ کے ہیں جبکہ ڈرامہ سیریل نیہر میں پہلی قسط کے ابتدائی مناظر دیکھنے سے محسوس ہوتا ہے کہ لڑکی کے زہر کھانے کے پیچھے ضرور اس کے سسرال والوں کا ہاتھ ہے۔

یو ٹیوب پر ڈرامے کی پہلی قسط دیکھنے والے متعدد سوشل میڈیا صارفین نے مرکزی فنکارہ صبور علی کی اداکاری کی تعریف کی ہے۔ بظاہر دلچسپ کہانی پر مبنی ڈرامہ سیریل نیہر پاکستانی ناظرین و سامعین کے دلوں میں اپنی جگہ بنانے میں کامیاب نظر آتا ہے۔