گوگل نیوز پر ہمیں فالو کریںصدرِ مملکت ڈاکٹر عارف علوی نے نتھیا گلی کا دورہ کیا جہاں سہولت سینٹر میں موجود پولیس کے جوان صدر کو پہچان نہ سکے۔
سماجی رابطے کی ویب سائٹ ٹوئٹر پر اپنے پیغام میں صدرِ مملکت ڈاکٹر عارف علوی نے کہا کہ نتھیا گلی مین بازار کے اس سہولت سینٹر میں بیٹھے پولیس کے 2 جوان مجھے پہچان نہیں سکے، تاہم بہت ہی خوش اخلاقی سے پیش آئے۔
پیغام میں صدرِ مملکت ڈاکٹر عارف علوی نے کہا کہ پولیس کے جوانوں نے مجھے خیبر پختونخوا کے خوبصورت نظاروں سے متعلق معلوماتی پمفلٹس دئیے، یہ ایک خوبصورت اور بدلتے ہوئے پاکستان کی علامات ہیں۔
نتھیاگلی مین بازار کے اس کیوسک میں بیٹھے دو پولیس کے جوان مجھے پہچان نہ پائے۔ بہت ہی خوش اخلاقی سے پیش آئے۔ انہوں نے مجھے خیبر پختون خواہ کے خوبصورت نظاروں سے متعلق معلومات کے پمفلٹ دیے۔ یہ ایک خوبصورت اور بدلتے پاکستان کے علامات ہیں۔ https://t.co/xGKkeiDeCp
— Dr. Arif Alvi (@ArifAlvi) June 5, 2021
نتھیا گلی میں صدرِ مملکت عوام میں گھل مل گئے جس کیلئے ان کی کیپ اور ماسک نے اہم کردار ادا کیا اور انہوں نے ایک عام سیاح کی طرح سہولت سینٹر کا دورہ کیا۔پولیس اہلکار ڈاکٹر عارف علوی کا چہرہ چھپا ہونے کے باعث انہیں پہچاننے میں ناکام رہے۔
قبل ازیں صدرِ مملکت ڈاکٹر عارف علوی نے مسئلۂ کشمیر پر پاکستان کے مؤقف کی حمایت کیلئے آذربائیجان سے تشکر کا اظہار کیا۔
وفاقی دارالحکومت اسلام آباد میں 2 روز قبل صدرِ مملکت سے آذربائیجان کی پارلیمنٹ اسپیکر پروفیسر صاحبہ غفارووا نے ملاقات کی جس کے دوران دو طرفہ تعاون کو مزید مستحکم کرنے کیلئے وفود کے تبادلے پر گفتگو ہوئی۔
مزید پڑھیں: صدرِ مملکت کا مسئلۂ کشمیر پر حمایت کیلئے آذربائیجان سے اظہارِ تشکر
