گوگل نیوز پر ہمیں فالو کریںمعروف اداکار شاہ رخ خان کی نئی گھڑی آج کل مداحوں میں بہت زیادہ مقبول ہورہی ہے۔
حال ہی میں شاہ رخ خان کی فلم پٹھان ریلیز ہوئی ہے جو کہ باکس آفس پر اچھا بزنس کررہی ہے، فلم کی ریلیز سے قبل اداکار نے دپیکا پڈوکون کے ہمراہ ایک انٹرویو ریکارڈ کروایا تھا جس میں انہوں نے نیلی رنگ کی خوبصورت گھڑی پہنی ہوئی تھی۔
گزشتہ دنوں اُن کا انٹرویو ریلیز ہوا جس میں اُن کی گھڑی سب کی توجہ کا مرکز بن گئی، جس کے بعد مداحوں نے گھڑی کی قیمت جاننے کیلئے ایک ویب سائٹ سے رابطہ کیا، ویب سائٹ کے مطابق اداکار کی پہنی گئی گھڑی Audemars Piguet کی ہے اور اس کی قیمت 4.7 کروڑ ہے۔
واضح رہے کہ شاہ رخ خان کا شمار بالی ووڈ کے امیر ترین اداکاروں میں ہوتا ہے، اُن کے گھر منت کی قیمت 200 کروڑ روپے ہے جبکہ اُن کے پاس کئی مہنگی کاریں بھی ہیں جن میں بی ایم ڈبلیو اور آڈی شامل ہیں۔
