گوگل نیوز پر ہمیں فالو کریںکیا صدف کنٹینر پر تعینات گارڈز کے دھکا دینے سے جاں بحق ہوئیں؟ ساتھی رپورٹر نے نیا پینڈورا بوکس کھول دیا
پاکستان تحریک انصاف (پی ٹی آئی) کے لانگ مارچ میں کنٹینر سےگر کر جاں بحق ہونے والی خاتون رپورٹر کے ساتھی رپورٹرکا کہنا ہےکہ صدف کی شہادت کنٹینر سےگرنے سے نہیں، بلکہ کنٹینر پر تعینات گارڈز کے دھکا دینے سے ہوئی۔
یہ بھی پڑھیں:
عمران خان سے کوئی مذاکرات نہیں ہو رہے، خواجہ آصف
خاتون رپورٹر صدف نعیم کے ساتھی رپورٹر افضل سیال کا کہنا ہےکہ صدف عمران خان کا انٹرویو کرنےکے لیےکنٹینر پر چڑھنے کی کوشش کر رہی تھیں۔
افضل سیال کے مطابق صدف نےکنٹینر کے دروازے کا ہینڈل پکڑ لیا تھا، تاہم گارڈ نے انہیں دھکا دے دیا، جس پر وہ آہستہ آہستہ حرکت کرتےکنٹینرکے پہیوں تلے آگئیں۔
خیال رہے کہ پاکستان تحریک انصاف کے لانگ مارچ کے کامونکی جاتے ہوئے راستے میں عمران خان کے کنٹینر کے نیچے آکرنجی ٹی وی کی خاتون رپورٹر جاں بحق ہوگئیں۔
