گوگل نیوز پر ہمیں فالو کریںکراچی: شہرِ قائد کے علاقے لیاری میں منکی پاکس کا مشتبہ کیس رپورٹ ہوا ہے۔
لیاری کے رہائشی سات سالہ لڑکے کو این آئی سی ایچ آئسولیشن وارڈ میں داخل کردیا گیا ہے۔
اسپتال ذرائع کا کہنا ہے کہ بچے میں علامات منکی پاکس جیسی ہیں اور ٹیسٹ کیلئے نمونے حاصل کرلئے گئے ہیں۔
متاثرہ بچے کہ والد کا کہنا ہے کہ بیٹے کی کوئی ٹریول ہسٹری نہیں اور نہ ہی ہمارا کوئی رشتہ دار بیرون ملک سے آیا ہے۔
آرکٹرس وائرس کیا ہے؟ کیا پاکستان کے شہریوں کو اس سے پریشان ہونا چاہئے؟
ڈائریکٹر این آئی سی ایچ نے کہا کہ حتمی تشخیص ٹیسٹ رپورٹس کے بعد ہی ممکن ہے، ٹیسٹ سیمپلز اسلام آباد بھیجے جائیں گے جس کی رپورٹس 5 سے 7 دن میں موصول ہوگی۔
قبل ازیں قومی ادارہ برائے صحت اسلام آباد نے پاکستان پہنچنے والے سعودی عرب سے بے دخل شخص میں منکی پاکس کی تصدیق کی تھی۔
واضح رہے کہ پاکستان میں منکی پاکس سے نمٹنے کے لئے کوئی ویکیسن موجود ہی نہیں ہے جس کی قومی ادارہ صحت نے تصدیق کردی ہے۔
اسی لئے قومی ادارہ صحت نے عالمی ادارہ صحت (ڈبلیو ایچ او) سے منکی پاکس کی ویکسین حاصل کرنے کا فیصلہ کرلیا۔
