اسلام آباد: ڈی جی آئی ایس پی آر میجر جنرل آصف غفور نے کہا ہے کہ میر حاصل بزنجو کی ایک حساس قومی ادارے کے سربراہ کے خلاف بے بنیاد بیان بازی افسوسناک ہے۔
سماجی رابطے کی ویب سائٹ ٹوئٹر پر سینیٹر میر حاصل بزنجو کی طرف سے آئی ایس آئی چیف پر الزام کا جواب دیتے ہوئے میجر جنرل آصف غفور نے کہا کہ ان کا بیان جمہوریت کی خدمت قرار نہیں دیا جاسکتا۔
انہوں نے مزید کہا کہ سستے سیاسی مفادات کے لیےسارے جمہوری عمل کو بے توقیر کرنے سے جمہوریت کو کوئی فائدہ نہیں پہنچتا۔
Remarks by Senator Mir Hasil Bizenjo implicating head of national premier institution are unfounded. The tendency to bring entire democratic process into disrepute for petty political gains doesn’t serve democracy.
— DG ISPR (@OfficialDGISPR) August 1, 2019
واضح رہے کہ اس سے قبل سینیٹر میر حاصل بزنجو آئی ایس آئی چیف جنرل فیض پر الزام تراشی کر چکے ہیں۔ انہوں نے کہا تھا کہ تحریک عدم اعتماد پر ساتھ نہ دینے والے سینیٹرز آئی ایس آئی کے لوگ ہیں۔