ڈیفنس پولیس کی بڑی کارروائی، قیوم آباد سے 3طالبان دہشت گرد گرفتار

کراچی: ڈیفنس پولیس کی بڑی کارروائی، تحریک طالبان پاکستان کے تین دہشت گرد گرفتار، گرفتار ملزمان سے دو ہینڈ گرنیڈ، ایک آوان بم اور تین عدد پستول بمعہ راؤنڈ بر آمد کر لیے۔

اعلیٰ افسران کی ہدایات پر ایس ڈی پی او درخشاں اور ایس ایچ او ڈیفنس کی سربراہی میں کارروائی کی گئی، کومبنگ آپریشن کے دوران قیوم آباد D ایریا سے تحریک طالبان پاکستان کے 3 دہشت گرد وں کو گرفتار کیا گیا۔

پولیس کے مطابق گرفتار ملزمان سے دو ہینڈ گرنیڈ، ایک آوان بم اور تین عدد پستول بمعہ راؤنڈ بر آمد کر لیے، گرفتار ملزمان سے مزید تفتیش جاری ہے، گرفتار ملزمان کے دیگر ساتھیوں کی تلاش جاری ہے۔

مزید پڑھیں:پولیس کی کارروائیاں، ایک ڈاکو، گداگر مافیا کے 6 ماسٹرمائنڈ گرفتار، طلبہ لٹ گئے

گرفتار ملزمان روح خان ولد وزیر رحمٰن ، خیر اللہ ولد تام خان اورکریم اللہ جان ولد علی جان کے خلاف مقدمہ الزا م نمبر 69/2021 بجرم دفعہ 4/5 ایکسپلوزیو ایکٹ ،مقدمہ الزام نمبر 72/2021 بجرم دفعہ 23 (1) A اسلحہ ایکٹ ،مقدمہ الزا م نمبر 70/2021 بجرم دفعہ 4/5 ایکسپلوزیو ایکٹ ،مقدمہ الزام نمبر 73/2021 بجرم دفعہ 23 (1) A اسلحہ ایکٹ ،مقدمہ الزا م نمبر 71/2021 بجرم دفعہ 4/5 ایکسپلوزیو ایکٹ اورمقدمہ الزام نمبر 74/2021 بجرم دفعہ 23 (1) A اسلحہ ایکٹ تھانہ ڈیفنس تھانے میں درج کئے گئے ہیں ۔