گوگل نیوز پر ہمیں فالو کریںپاکستان سپر لیگ (پی ایس ایل) سیزن 8 کےلیے سابق ویسٹ انڈین کپتان ڈیرن سیمی کو پشاور زلمی کا ہیڈ کوچ مقرر کردیا گیا ہے۔
خیال رہے کہ ڈیرن سیمی گزشتہ سیزن میں اپنی مصروفیات کی وجہ سے دستیاب نہیں تھے۔
پشاور زلمی کے چیئرمین جاوید آفریدی نے ٹوئٹر پیغام میں تحریر کیا کہ وہ ڈیرن سیمی کو ایک بار پھر پشاور زلمی فیملی میں خوش آمدید کہتے ہیں۔
جاوید آفریدی نے کہا کہ بطور سابق کپتان اور ہیڈکوچ ڈیرن سیمی ہمیشہ پشاور زلمی کا اہم ترین حصہ رہے۔
انہوں نے مزید تحریر کیا کہ اس کے ساتھ ہی پاکستان میں انٹرنیشنل کرکٹ کی بحالی میں بھی ڈیرن سیمی کا کردار ناقابل فراموش ہے، خاص طور پر پی ایس ایل 2 کے فائنل میں ڈیرن سیمی نے جس جوش و خروش سے پاکستان آکر فائنل کھیلا وہ ہمیشہ یادگار رہے گا۔
Happy to announce Daren Sammy @darensammy88 as a Head Coach of Peshawar Zalmi for PSL 8. #YellowStorm #Zalmi pic.twitter.com/nZleoudwgk
— Javed Afridi (@JAfridi10) October 18, 2022
دوسری جانب ڈیرن سیمی نے اپنے پیغام میں کہا کہ پشاور زلمی کے ساتھ جُڑنے پر ایک بار پھر خوشی محسوس کر رہا ہوں، پشاور زلمی میری فیملی ہے اور پی ایس ایل 8 کےلیے پُرجوش ہوں۔
ڈیرن سیمی کا کہنا تھا کہ بطور کپتان پشاور زلمی کےلیے پی ایس ایل ٹو کی ٹرافی جیتنا خوشگوار یادوں میں سے ایک ہے۔
انہوں نے مزید کہا کہ پوری امید ہے کہ پاکستان سپر لیگ سیزن 8 میں بھی ٹیم اچھی کارکردگی کا مظاہرہ کرے گی۔
????Contract Signing – @darensammy88
???? Head Coach, Peshawar Zalmi ????⚡#Zalmi #YellowStorm pic.twitter.com/jbNatqMigy
— Peshawar Zalmi (@PeshawarZalmi) October 18, 2022
خیال رہے کہ ویسٹ انڈیز کو دو مرتبہ ورلڈ ٹی ٹوئنٹی جتوانے والے ڈیرن سیمی ٹی ٹوئنٹی فارمیٹ کے کامیاب ترین کپتان تصور کیے جاتے ہیں۔
