دُنیا بھر میں کورونا سے 23کروڑ 90لاکھ افراد متاثر، 48لاکھ 72ہزار ہلاک

جنیوا:  دُنیا بھر میں کورونا سے 23 کروڑ 90 لاکھ افراد متاثر ہوئے ہیں جبکہ وائرس میں مبتلا 48 لاکھ 72 ہزار سے زائد افراد ہلاک ہو گئے۔

تفصیلات کے مطابق دُنیا کے 200سے زائد ممالک اور خطوں میں کورونا سے مجموعی طور پر 23کروڑ 90لاکھ 38 ہزار730 افراد متاثر ہوئے جبکہ وائرس کا شکار 48لاکھ 72ہزار 880افراد جان کی بازی ہار گئے۔

یہ بھی پڑھیں:

پاکستان میں کورونا کے 689 نئے کیسز رپورٹ، 18مزید شہری جاں بحق

امریکی کمپنی نے کورونا وائرس کے علاج کیلئے پہلی دوا تیار کر لی

ڈینگی سے متاثرہ مریضوں کی تعداد 1150 سے تجاوز کر گئی

وائرس سے متاثرہ 81 ہزار 711 افراد کی حالت تشویشناک ہے جبکہ دنیا بھر میں کورونا کے فعال کیسز کی تعداد 1 کروڑ 78لاکھ 66 ہزار401 ہو گئی۔وائرس کے1 کروڑ 77 لاکھ 84ہزار690 مریضوں کو معمولی تکالیف کا سامنا ہے۔

دُنیا بھر میں 21 کروڑ 62لاکھ 99 ہزار 449 افراد کورونا سے صحتیاب ہوگئے۔سب سے زیادہ 4 کروڑ 53لاکھ 13ہزار353 افراد امریکا میں جبکہ 3 کروڑ 39لاکھ 85 ہزار920 افراد بھارت میں وائرس کا شکار ہوئے۔

امریکا میں کورونا کے باعث 7لاکھ 34 ہزار611 افراد جان کی بازی ہار گئے جبکہ بھارت میں وائرس کا شکار4 لاکھ 50ہزار991 افراد انتقال کر گئے۔ برازیل میں کورونا سے 2 کروڑ 15لاکھ 82 ہزار 738 افراد متاثر جبکہ 6 لاکھ 1ہزار266 لقمۂ اجل بن گئے۔

کورونا سے سب سے زیادہ متاثر ہونے والے ممالک میں امریکا پہلے، بھارت دوسرے، برازیل تیسرے، برطانیہ چوتھے، روس پانچویں، ترکی چھٹے، فرانس 7ویں، ایران 8ویں، ارجنٹینا 9ویں جبکہ اسپین 10ویں نمبر پر موجود ہے۔

قبل ازیں دنیا بھر میں کورونا سے 1 لاکھ ہلاکتیں 79 دنوں میں جبکہ 10 لاکھ ہلاکتیں 235 روز میں ہوئیں۔اموات کی تعداد 10 سے 20 لاکھ تک پہنچنے میں 118 مزید دن لگے۔اگلی 10لاکھ ہلاکتیں 91 جبکہ 40 لاکھ ہلاکتیں 523 دن میں ہوئیں۔