بابائے قوم قائد اعظم محمد علی جناح کی 75 ویں برسی کے موقع پر مزار قائد پر ان کے ایصال ثواب کیلئے قرآن خوانی کا اہتمام کیا گیا۔

مزار قائد کے احاطے میں ختم قرآن کی بابرکت مجلس ریزیڈنٹ انجینئر مزار قائد عبد العلیم شیخ اور او آئی سی مزار قائد لیفٹیننٹ محمد ناہید کے زیر نگرانی منعقد ہوئی۔

یہ بھی پڑھیں:

قرآن خوانی میں مزار قائد انتظامیہ کے علاوہ پاکستان بحریہ، پاک فضائیہ اور رینجرز کے آفیسرز اور جوانوں کی بڑی تعداد نے شرکت کی۔

قرآن خوانی کے اختتام پر مزار قائد کے فاتحہ خواں قاری محمد شمس الدین نے بابائے قوم قائد اعظم محمد علی جناح کے ایصال ثواب اور پاکستان کی سلامتی و استحکام کیلئے خصوصی دعا کرائی۔