گوگل نیوز پر ہمیں فالو کریںکراچی: پاکستان کوسٹ گارڈز نے خفیہ اطلاع پر کارروائی کرتے ہوئے سوزوکی بولان گاڑی سے 59 کلو گرام کی منشیات برآمد کر لی ہیں، اسمگلر کو گرفتار کر لیا گیا۔
تفصیلات کے مطابق پاکستان کوسٹ گارڈز نے آج خفیہ ذرائع سے سعید آباد کراچی کے علاقے سے منشیات اسمگل ہونے کی اطلاع موصول ہونے پر کارروائی کی۔ ڈی جی پاکستان کوسٹ گارڈز نے متعلقہ کمانڈرز کو اپنے علاقے میں چیکنگ مزید سخت کرنے کا حکم دے دیا۔
گھر میں آگ لگنے سے 3 بچے جھلس کر جاں بحق،5افرادزخمی
پاکستان کوسٹ گارڈز کے موبائل گشت کے دوران مشکوک نقل و حرکت پر ایک گاڑی کا تعاقب کیا گیا۔ سوزوکی بولان کو روک کر تلاشی لی گئی جس کے دوران 59 کلو گرام اعلیٰ معیار کی کرسٹل برآمد ہوئی۔ اسمگلر کو موقعے پر حراست میں لے لیا گیا۔
کوسٹ گارڈز کو خدشہ ہے کہ برآمد کی گئی منشیات سمندر کے راستے بیرونِ ملک اسمگل ہونا تھی۔ پکڑی گئی منشیات کی عالمی مارکیٹ میں مالیت لاکھوں امریکی ڈالرز جبکہ پاکستانی کرنسی میں 1 کروڑ 79 لاکھ 90 ہزار روپے بنتی ہے۔
برآمد کی گئی منشیات اور اسمگلر کو تحویل میں لے کر مزید تفتیش جاری ہے۔ کوسٹ گارڈز کا کہنا ہے کہ ہم ہر قسم کی اسمگلنگ کی روک تھام کیلئے ہمہ وقت مصروفِ عمل ہیں۔ ملکی معیشت کے استحکام کیلئے اپنا کردار ادا کرتے رہیں گے۔
