گوگل نیوز پر ہمیں فالو کریںنیو یارک: پی ٹی آئی چیئرمین عمران خان سے امریکا کی قومی سلامتی امور کے سابق مشیر جان بولٹن نے ٹیلیفونک رابطہ کیا ہے۔
سابق امریکی مشیرکا کہنا تھا کہ سویلینز کے مقدمات ملٹری کورٹس میں نہیں چلائے جانے چاہئیں، پی ٹی آئی چیئرمین عمران خان کے ساتھ روا سلوک پاک امریکا تعلقات میں رکاوٹوں اور تناؤ بڑھانے کا سبب ہے۔
امریکا کی قومی سلامتی امور کے سابق مشیر جان بولٹن نے کہا کہ پاکستان میں تشدد اور عدم استحکام کا تسلسل کسی کے مفاد میں نہیں۔
دوسری جانب پاکستان کی موجودہ سیاسی صورتحال پر 16 کینیڈین اراکین پارلیمنٹ کی جانب سے وزیراعظم جسٹن ٹروڈو کو بھی خط لکھا گیا ہے۔
مزید پڑھیں:پی ٹی آئی کے سابق ممبر صوبائی اسمبلی اجمل وزیر نے بھی پارٹی چھوڑ دی
خط میں پاکستان میں پرامن مظاہروں کی اجازت پر زور کے ساتھ پاکستان میں تشددکے تمام واقعات کی مذمت کی گئی ہے۔
