نیوزی لینڈ کے بعد انگلش ٹیم کا دورہ منسوخ ہونے پر مایوسی ہوئی، رمیز راجہ

لاہور: پاکستان کرکٹ بورڈ (پی سی بی) کے چیئرمین رمیز راجہ نے انگلینڈ کرکٹ ٹیم کی جانب سے پاکستان کے دورے کی منسوخی پر سخت ردعمل دیا ہے۔

سماجی رابطے کی ویب سائٹ ٹوئٹر پر پیغام جاری کرتے ہوئے چیئرمین پی سی بی رمیز راجہ نے کہا ہے کہ ” انگلینڈ کے دورہ پاکستان سے دستبردار ہونے سے مایوسی ہوئی ہے اور انگلش ٹیم کی جانب سے کمٹمنٹ پوری نہ کرنے پر افسوس ہے۔

Disappointed with England, pulling out of their commitment & failing a member of their Cricket fraternity when it needed it most. Survive we will inshallah. A wake up call for Pak team to become the best team in the world for teams to line up to play them without making excuses.

— Ramiz Raja (@iramizraja) September 20, 2021

ان کا کہنا تھاکہ ہمارے لیے یہ ویک اپ کال ہے کہ ہم نے دنیا کی بہترین ٹیم بننا ہے اور ہم نے کوئی جواز دیے بغیر سب کے خلاف بہترین ٹیم بن کر کھیلنا ہے۔

چیئرمین پی سی بی نے اپنے ٹوئٹر پیغام میں مزید لکھا ہے کہ “ہم ان شا اللہ زندہ رہیں گے۔”

خیال رہے کہ انگلینڈ کرکٹ بورڈ نے دورہ  پاکستان ختم کردیا ہے، اپنی مینز اور ویمنز ٹیمیں پاکستان بھیجنے سے انکار کردیا ہے۔

انگلش کرکٹ بورڈ نے دورے کی منسوخی پر جواز پیش کرتے ہوئے کہا کہ دورے سے ٹی ٹوئنٹی ورلڈ کپ کی تیاری متاثر ہو سکتی ہے۔

اس سے قبل گزشتہ دنوں نیوزی لینڈ کی ٹیم نے ٹاس سے کچھ دیر قبل دورہ پاکستان منسوخ کرنے کا اعلان کیا تھا۔