گوگل نیوز پر ہمیں فالو کریںیوتھ پارلیمنٹ سندھ کیبنٹ کی جانب سے تحریک پاکستان کے رہنما علامہ شبیر احمد عثمانی کے یوم وفات پر ان کی آخری آرام گاہ پر ان کی یاد میں خصوصی تقریب کا اہتمام کیا گیا۔
یوتھ پارلیمنٹ سندھ کیبنٹ کے تحت ہر سال مشاہیر پاکستان کے ایام وفات پر خصوصی یادگاری تقریبات کا انعقاد کیا جاتا ہے۔
یہ بھی پڑھیں:
بلند و بالا پہاڑوں میں گھرا مدرسہ، قومی شرح خواندگی میں کیسے اضافہ کر رہا ہے؟
ہرسال کی طرح اس سال بھی تحریک پاکستان کے رہنما اور قائد اعظم محمد علی جناح کے معتمد ساتھی علامہ شبیر احمد عثمانی کی یاد میں اسلامیہ کالج کراچی کے احاطے میں ان کی آخری آرام گاہ پر تقریب منعقد کی گئی۔
تقریب میں یوتھ پارلیمنٹ کے مولانا جنید اعظم، اظہار عالم، محمد ابراہیم چترالی سمیت مختلف سوشل میڈیا ایکٹوسٹس، علماء، صحافی حضرات نے شرکت کی۔
تقریب میں مزار قائد کے خطیب اور فاتحہ خوان علامہ شمس الدین نے خصوصی شرکت کی اور علامہ شبیر احمد عثمانی کے ایصال ثواب کیلئے فاتحہ خوانی، بلندی درجات کیلئے دعا کی اور انہیں خراج عقیدت پیش کیا۔
