کراچی: شہید بے نظیر بھٹو کے یوم پیدائش کے موقع پر سوشل سائنسز جامعہ کراچی کے تحت بے نظیر بھٹو کی سالگرہ کا کیک کاٹا گیا، تقریب میں مختلف شعبہ جات کی چیئر پرسنز اور طالبات نے شرکت کی۔

تقریب سے خطاب کرتے ہوئے ڈین سوشل سائنسز و ڈائریکٹر بے نظیر بھٹو چئیر پروفیسر ڈاکٹر نصرت ادریس نے کہا کہ عالم اسلام کی پہلی خاتون وزیر اعظم اور شہید جمہوریت محترمہ بے نظیر بھٹو کے افکار اور قربانیوں کو اجاگر کرنے کے لئے بے نظیر بھٹو چئیر کو فوری فعال کرنا وقت کی اہم ضرورت ہے تاکہ بے نظیر بھٹو کی سیاسی جدوجہد اور ملک کے لئے دی جانے والی قربانیوں کو اجاگر کیا جا سکے۔

یہ بھی پڑھیں:

ڈاکٹر نصرت ادریس نے کہا کہ فنڈز کی عدم دستیابی کی وجہ سے بے نظیر بھٹو چئیر کو صحیح طرح سے فعال نہیں کیا جا سکا ہے۔ جب سے مجھے ذمہ داری دی گئی ہے میں محدود وسائل کے باوجود چئیر کو فعال کرنے کی بھرپور کوشش کر رہی ہوں۔

انہوں نے کہا کہ اس چئیر کے ذریعے شہید محترمہ بے نظیر بھٹو کی سیاسی جدوجہد، بحالی جمہوریت اور ملکی ترقی کے لئے اقدامات کو عوام کے سامنے لایا جائے گا۔