گوگل نیوز پر ہمیں فالو کریںکراچی:مقامی کاٹن مارکیٹ میں گزشتہ ہفتے کے دوران ٹیکسٹائل و اسپننگ ملز کی روئی کی خریداری میں عدم دلچسپی اور جنرز کی جانب سے گھبراہٹ میں اضافے کے سبب روئی کے بھا میں فی من 400 تا 500 روپے کی نمایاں کمی واقع ہوئی ہے۔
اچھی کوالٹی کی روئی فی من 9000 تا 9100 روپے کے بھا پر فروخت ہورہی ہے لیکن خریدار بہت کم ہیں، کاروباری حجم بھی کم ہوگیا۔ ہلکی اور درمیانی روئی کے خریدار نایاب ہیں۔
جنرز زیادہ نقصان سے بچنے کیلئے روئی فروخت کرنے کیلئے مارے مارے پھر رہے ہیں ، بارشوں سے روئی کی کوالٹی مزید خراب ہوگئی ہے ۔
صوبہ پنجاب میں روئی کا بھا فی من 8500 تا 9100 روپے پھٹی کا بھائو 3200 تا 4400 روپے رہا۔ سندھ میں روئی کا بھا فی من 7600 تا 9000 روپے رہا ،پھٹی کا بھا فی 40 کلو 2800 تا 4100 روپے ہوگیا۔
بلوچستان میں روئی کا بھا فی من 8200 تا 9000 روپے جبکہ پھٹی کا بھا فی 40 کلو 3600 تا 4400 روپے رہا۔
مزید پڑھیں : اگلے 30سالوں میں پاکستانی معیشت کاشماربڑی مارکیٹوں میں ہوگا،ورلڈبینک
