اسٹاک مارکیٹ میں 1,061 پوائنٹس کا اضافہ
اسلام آباد: پاکستان اسٹاک ایکسچینج میں آج مسلسل چوتھے روز بھی تیزی کا رجحان برقرار رہا، کے ایس ای 100انڈیکس میں 1,061.63 پوائنٹس کا اضافہ ہوا، جو 2.67 فیصد کی مثبت تبدیلی سے گزشتہ روز کے 39,784.90 پوائنٹس کے مقابلے میں 40,846.53 پر بند ہوا۔
گزشتہ روز کے 269,493,715 حصص کے مقابلے میں آج کاروبار کے دوران کل 364,131,735 حصص کا کاروبار ہوا۔
اسٹاک مارکیٹ میں مجموعی طور پر 356 کمپنیوں کے حصص کا لین دین ہوا، جن میں سے 257 کے حصص کی قیمتوں میں اضافہ اور 77 کو مسلسل نقصان ہوا، جب کہ 22 کمپنیوں کے حصص کی قیمتوں میں کوئی تبدیلی نہیں ہوئی۔
مزید پڑھیں:ڈالر نے تمام ریکارڈ توڑ دیئے، 255روپے سے بھی تجاوز کرگیا
پاک سروسز نے سب سے زیادہ 158.50 روپے فی حصص کی قیمت میں اضافہ دیکھا، جو 2,276.00 روپے پر بند ہوا، جب کہ دوسرے نمبر پر باٹا (پاک) رہا جس کی فی حصص قیمت میں 115.75 روپے اضافے کے ساتھ 1,711.76 روپے ہو گئی۔
