گوگل نیوز پر ہمیں فالو کریںلوسیل: فیفا ورلڈکپ میں سربیا کے ساتھ میچ کے دوران برازیل کے مایہ ناز فٹبالر نیمار انجری کا شکار ہوگئے جس کے بعد اُن کی ورلڈکپ کے آئندہ میچز میں بھی شرکت مشکوک ہوگئی ہے۔
خبر رساں ایجنسی اے ایف پی کے مطابق ورلڈ کپ کے گروپ جی کے میچ میں برازیل نے سربیا کو 0-2 سے شکست دی لیکن ان کی شکست کی خوشیاں اس وقت ماند پڑگئیں جب نیمار انجری کا شکار ہوئے۔
میچ کے دوسرے ہاف میں نیمار مخالف ٹیم سربیا کے نکولا ملینکووچ سے ٹکرانے کے بعد انجری کا شکار ہوئے اور انہیں فوری طور پر طبی امداد فراہم کرنا پڑی۔
Neymar was fouled nine times against Serbia, the most of any player at the World Cup so far 🤕 pic.twitter.com/gINV8jU5j7
— B/R Football (@brfootball) November 24, 2022
ابتدائی معلومات کے مطابق نیمار کے دائیں ٹخنے میں موچ آئی جس کے باعث انہیں گراؤنڈ سے باہر جانا پڑا۔
سماجی رابطے کی ویب سائٹ ٹوئٹر پر نیمار نے ٹیم کو مبارکباد دی لیکن انجری کے حوالے سے کسی بھی قسم کے تبصرے سے گریز کیا۔
Jogo difícil, mas era importante ganhar.
Parabéns equipe, primeiro passo dado…
Faltam 6 💙💚💛🇧🇷 pic.twitter.com/vNQXljRz3e— Neymar Jr (@neymarjr) November 25, 2022
دوسری جانب برازیل کی فٹبال ٹیم کے ڈاکٹر نے تصدیق کی ہے کہ نیمار کے ٹخنے میں موچ آئی ہے، اسٹار پلیئر کا علاج شروع کردیا ہے اور آئندہ 24 گھنٹوں میں ان کی فٹنس کا جائزہ لینے کے بعد پتا چلے گا کہ وہ مزید میچز کھیل پائیں گے یا نہیں۔
فیفا ورلڈکپ، رونالڈو نے اہم عالمی ریکارڈ اپنے نام کرلیا
ٹیم ڈاکٹر روڈریگو لسمار کا کہنا ہے کہ انجری کی نوعیت سے متعلق ابھی کچھ کہنا قبل از وقت ہوگا البتہ ہم پرامید ہیں کہ نیمار جلد انجری سے صحتیاب ہو کر ورلڈ کپ کے بقیہ میچز میں ٹیم کی نمائندگی کریں گے۔
نیمار کی انجری کے حوالے سے برازیلین فٹ بال ٹیم کے کوچ ٹائٹ کا کہنا ہے کہ وہ پرامید ہیں کہ نیمار جلد فٹ ہوکر میدان میں نظر آئیں گے۔
