گوگل نیوز پر ہمیں فالو کریںبھارت کے مشہور فیشن ڈیزائنر سبیاساچی نے معروف بھارتی اداکارہ رانی مکھرجی اور آدتیہ چوپڑا کی خفیہ شادی کا انکشاف کیا ہے ۔
مشہور بھارتی فیشن ڈیزائنر سبیاساچی مکھرجی نے اداکارہ رانی مکھرجی اور فلمساز آدتیہ چوپڑا کی 2014 میں ہونے والی خفیہ شادی کے بارے میں انکشافات کیے ہیں۔
ایک انٹرویو میں فیشن ڈیزائنر سبیاساچی نے کہا کہ انہیں رانی مکھرجی کے لیے دلہن کا لباس تیار کرنے میں بہت مزا آیا۔
سبیاساچی نے کہا کہ رانی نے اپنی شادی کا لباس بنانے کے لیے صرف ایک ہفتے کی ڈیڈ لائن دی تھی۔
اداکارہ رانی مکھرجی اور فلمساز آدتیہ چوپڑا کی اٹلی میں ہونے والی شادی ایک خفیہ راز کے طور پر برقرار ہے، اس تقریب کی کوئی تصویر سوشل میڈیا پر سامنے نہیں آئی۔
فیشن ڈیزائنر نے مزید بتایا کہ میں نے اب تک جتنی شادیاں دیکھی اس میں رانی مکھرجی کی شادی سب سے “مزے دار اور پاگل پن” والی شادی تھی۔
خیال رہے کہ اس شادی میں صرف قریبی رشتہ دار اور دوست شریک ہوئے تھے اور یہ تقریب مکمل رازداری میں انجام دی گئی تھی۔
