کراچی: پاکستان پیپلز پارٹی کے چیئرمین اور وزیر خارجہ بلاول بھٹو زرداری سے شادی کی خبروں پر ماہ نور سومرو کاموقف سامنے آگیا۔
گزشتہ روز سے سماجی رابطے کی ویب سائٹ ٹوئٹر پر بلاول بھٹوزرداری اور ماہ نور سومرو کی شادی سے متعلق خبریں گردش کررہی ہیں۔
سوشل میڈیا پر گردش کرتی خبروں میں بتایا جارہا تھا کہ بلاول بھٹو زرداری کی شادی ماہ نور سومرو کے ساتھ طے پائی ہے، جو کہ پیپلز پارٹی کی بانی کارکن رقیہ خانم سومرو کی پوتی ہیں دونوں کی شادی کی تقریب کراچی میں منعقد ہوگی۔
تاہم، سماجی رابطے کی ویب سائٹ ٹوئٹر کے ذریعے سے ماہ نور سومرو نے اِن خبروں کی تردید کردی ہے۔
Kindly avoid spreading fake news regarding my marriage! Chairman @BBhuttoZardari is my party leader and PPP is family to all jiyalas! Thank you
— Mahenoor (@mahenoor28) October 20, 2022
کیا بلاول بھٹو ماہ نور سومرو سے شادی کرنے والے ہیں؟
ٹوئٹر پیغام میں ماہ نور سومرو نے کہا کہ برائے مہربانی میری شادی سے متعلق جعلی خبریں پھیلانے سے گریز کریں۔ بلاول بھٹو زرداری میرے پارٹی لیڈر ہیں اور پیپلز پارٹی تمام جیالوں کی فیملی ہے۔