گوگل نیوز پر ہمیں فالو کریںمیونخ: وزیرِ خارجہ بلاول بھٹو زرداری نے چینی ہم منصب ہی وانگ ژی سے بین الاقوامی کانفرنس کی سائیڈ لائن پر ملاقات کی ہے جس کے دوران پاک چین تعلقات پر گفتگو ہوئی۔
سماجی رابطے کی ویب سائٹ ٹوئٹر پرجاری پیغام میں بتایا گیا کہ وزیر خارجہ بلاول بھٹو زرداری نے آج چینی ہم منصب سے میونخ سکیورٹی کانفرنس 2023 کی سائیڈ لائنز پر ملاقات کی۔
بلاول بھٹو زرداری سے ڈیرک شولے کی ملاقات
ٹوئٹر پیغام کے مطابق وزیر خارجہ بلاول بھٹو زرداری اور چینی ہم منصب کے مابین عالمی، خطے کی اور دو طرفہ صورتحال پر گفتگو ہوئی۔ پاک چین تعلقات اور باہمی تعاون خطے کے امن و استحکام کا ضامن ہے۔
Delighted to meet HE Wang Yi at #MSC2023 sidelines today. Had enriching discussion on global, reg. & bilateral matters. ???????????????? All-Weather Strategic Cooperative Partnership remains the vital pillar of reg. peace & stability & for our shared future towards development & prosperity. pic.twitter.com/qF1PTnO669
— BilawalBhuttoZardari (@BBhuttoZardari) February 18, 2023
وزیر خارجہ بلاول بھٹو زرداری نے چینی ہم منصب ہی وانگ ژی سے ملاقات کے دوران گفتگو کرتے ہوئے کہا کہ دو طرفہ تعاون امن و استحکام اور ترقی و خوشحالی کی طرف ہمارے مشترکہ مستقبل کیلئے مفید ہے۔
خیال رہے کہ اس سے قبل امریکی دفترِ خارجہ کے کونسلر ڈیرک شولے نے وزیرِ خارجہ بلاول بھٹو زرداری سے امریکی دارالحکومت میں ملاقات کی جس کے دوران پاک امریکا تعلقات پر گفتگو ہوئی۔
آج سے 15 روز قبل امریکی دفترِ خارجہ کے کونسلر ڈیرک شولے نے واشنگٹن میں قائم پاکستانی سفارت خانے میں وزیرِ خارجہ بلاول بھٹو زرداری سے ملاقات کی اور پشاور کی پولیس لائنز مسجد میں خودکش دھماکے پر تعزیت کا اظہار کیا۔
