گوگل نیوز پر ہمیں فالو کریںپاکستان میں آج کاروباری روز کے دوران سونے کی فی تولہ قیمت میں بڑا اضافہ دیکھنے کو ملا ہے۔
آل پاکستان جیمز اینڈ جیولرز ایسوسی ایشن کے جاری کردہ بیان میں کہا گیا ہے کہ ایک تولہ سونے کی قیمت میں 2900 روپے کا اضافہ ہوا ہے۔
ملک میں ایک تولہ سونے کی قیمت 2900 روپے اضافے کے بعد 2 لاکھ 11 ہزار 350 روپے ہوگئی ہے۔
10گرام سونا 2486 روپے اضافے سے ایک لاکھ 81 ہزار 198 روپے پر پہنچ گیا ہے، جبکہ عالمی منڈی میں بھی سونے کا بھاؤ 20 ڈالر اضافے سے 1990 ڈالر فی اونس ہوگیا۔
دوسری جانب غریب عوام کی مشکلات میں مزید اضافہ کرنے کی تیاریاں کی جانے لگیں، یکم نومبر سے پیٹرول اور ڈیزل کی قیمتوں میں اضافے کا امکان ہے۔
میڈیا رپورٹس کے مطابق پیٹرول کی قیمت میں 3 روپے 55 پیسے جبکہ ڈیزل کی قیمت میں 0.82 روپے فی لیٹر اضافہ ہوسکتا ہے۔
پیٹرول اور ڈیزل کی قیمتوں میں اضافے کی وجہ عالمی منڈی میں خام تیل مہنگا ہونا بتائی گئی ہے۔
