گوگل نیوز پر ہمیں فالو کریںقومی کرکٹ ٹیم کے بیٹسمین بابر اعظم نے انگلینڈ کے خلاف سیریز کے آخری میچ میں اچھی کارکردگی کا مظاہرہ کرتے ہوئے 6000 رنز مکمل ہونے پر کپتان اظہر علی کو مبارکباد پیش کی ہے۔
سماجی رابطے کی ویب سائٹ ٹوئٹر پر اپنے پیغام میں بابر اعظم نے کہا کہ اجو بھائی، آپ کے ٹیسٹ کرکٹ میں 6000 رنز مکمل ہو گئے جس پر مبارکباد پیش کرتا ہوں۔ سخت محنت ہمیشہ کارگر ثابت ہوتی ہے۔
پیغام میں بابر اعظم نے کپتان اظہر علی کو مخاطب کرتے ہوئے کہا کہ انگلینڈ کے خلاف کھیلتے ہوئے آپ نے شاندار سنچری اسکور کی جس کے دوران میں نے کھیل کے ہر لمحے سے بھرپور لطف اٹھایا۔
Ajju bhai, congratulations on #6000Test runs. Hard work always pays off. Enjoyed every bit of your brilliant century today.???????? #ENGvPAK pic.twitter.com/ZLp9cYo1J9
— Babar Azam (@babarazam258) August 23, 2020
یاد رہے کہ اِس سے قبل ساؤتھمپٹن ٹیسٹ کی پہلی اننگ میں انگلینڈ کے بڑے ہدف کے تعاقب میں پاکستانی ٹیم صرف 273رنز بنا سکی۔ پہلی اننگ میں انگلینڈ نے پاکستان کو 583 رنز کا مشکل ہدف دیا تھا۔
ٹیسٹ میچ کے آغاز پر پاکستان نے 3 کھلاڑیوں کے نقصان پر 24 رنز کے ساتھ اپنی نامکمل اننگز شروع کی، اُس وقت کریز پر کپتان اظہر علی اور اسد شفیق موجود تھے۔ 30 رنز کے مجموعی اسکور پر اسد شفیق آؤٹ ہوگئے، انہوں نے 5 رنز بنائے۔
مزید پڑھیں: پہلی اننگ میں پاکستانی ٹیم 273 رنز بنا کر آؤٹ ہوگئی
