گوگل نیوز پر ہمیں فالو کریںڈرامہ سیریل ”میرے پاس تم ہو“ سے شہرت کی بلندیوں کو چھونے والی پاکستانی ڈرامہ انڈسٹری کی مشہور اداکارہ عائزہ خان نے مداحوں کو اپنا نیا ڈرامہ تھوڑا سا حق دیکھنے کی دعوت دی ہے۔
سماجی رابطے کی ویب سائٹ اور فوٹو شیئرنگ کے اہم پلیٹ فارم انسٹا گرام پر ”میرے پاس تم ہو“ کی اداکارہ عائزہ خان نے مداحوں کے ساتھ اپنی ایک تصویر شیئر کی جو دیکھتے ہی دیکھتے سوشل میڈیا پر وائرل ہو گئی۔
اداکارہ عائزہ خان کی شیئر کی گئی تصویر کو اب تک مداحوں کی طرف سے 42 ہزار سے زائد لائیکس موصول ہوچکے ہیں جبکہ تصویر شیئر کرنے کے ساتھ ساتھ عائزہ خان نے مداحوں سے درخواست کی کہ میرا آج رات نشر ہونے والا ڈرامہ ”تھوڑا سا حق“ دیکھیں۔
عائزہ خان کی شیئر کی گئی تصویر میں انہوں نے مداحوں کو ڈرامے کی دعوت دینے کے لیے ایک دلچسپ انداز اختیار کیا ہے جس میں وہ مسکراتی دکھائی دیتی ہیں جبکہ ان کا ڈرامہ ”تھوڑا سا حق“ بھی مداحوں کی ایک بڑی تعداد شوق سے دیکھ رہی ہے۔
https://www.instagram.com/p/CAHdr0mgGaz/
