گوگل نیوز پر ہمیں فالو کریںآسٹریلیا میں پولیس نے ایک بیان میں بتایا ہے کہ پولیس کو ریاست نیو ساؤتھ ویلز کے ایک نرسنگ ہوم میں بلایا گیا تاکہ چاقو سے مسلح ایک خاتون کو کسی ممکنہ جرم کے ارتکاب سے روکا جا سکے۔
پولیس نے بتایا کہ اہلکاروں نے معمر خاتون سے بات کرنے کی کوشش کی اور اس بات چیت کے دوران ایک تجربہ کار افسر نے اپنی کرنٹ لگانے والی اسٹن گن کا استعمال کیا جس کی وجہ سے خاتون گر گئی اور اس کا سر زمین پر ٹکرا گیا۔
آسٹریلوی پولیس نے اعتراف کیا کہ اس کے ایک رکن نے نرسنگ ہوم کے اندر ایک 95 سالہ خاتون کے خلاف برقی سٹین گن استعمال کی ہے اور اس کی وجہ سے خاتون کی حالت تشویشناک ہوگئی ہے۔ بزرگ خاتون کو ریاست کے جنوب میں کوما ضلع کے ایک ہسپتال لے جایا گیا ہے۔
مقامی میڈیا نے بتایا کہ خاتون ‘‘کلیئر نولینڈ’’ آٹھ بچوں کی ماں ہے اور ڈیمنشیا کا شکار ہے۔ وہ واکنگ ایڈ کی مدد سے آگے بڑھ رہی تھی جب پولیس پہنچی تو اس کے پاس ایک چاقو بھی تھا۔ پولیس نے بتایا کہ واقعہ کی تحقیقات شروع کردی گئی ہے۔
