کراچی ٹیسٹ، کینگروز نے شاہینوں کو اسپن کے جال میں پھنسانے کی تیاری کرلی

کراچی: قادربینو سیریز کے دوسرے ٹیسٹ میں کینگروز نے شاہینوں کو اسپن کے جال میں پھنسانے کی تیاری کرلی، آسٹریلوی ٹیم دو اسپنرز کے ساتھ میدان میں اترے گی۔

سینئر اسپورٹس جرنلسٹ عبدالماجد بھٹی نے اپنے ایک ٹوئٹر پیغام میں بتایا کہ کراچی ٹیسٹ میں آسٹریلیا دو اسپنرز کے ساتھ اترے گا، میچ کیلئے الیون بنالی ہے، مچل سویپسن، جوش ہیزل ووڈ کی جگہ کل ڈیبیو کریں گے، پچ اسپنرز کو مدد دے گی،امید ہے کراچی کے وکٹ پر اسپنرز کو سپورٹ ملے گی، پیٹ کمنز، پاکستان ٹیم میں حسن علی اور فہیم اشرف کی شمولیت کا امکان ہے۔

#PAKvAUS کراچی ٹیسٹ میں آسٹریلیا دو اسپنرز کے ساتھ اترے گا، میچ کیلئے الیون بنالی ہے ، مچل سویپسن، جوش ہیزل ووڈ کی جگہ کل ڈیبیو کریں گے، پچ اسپنرز کو مدد دے گی،امید ہے کراچی کے وکٹ پر اسپنرز کو سپورٹ ملے گی، پیٹ کمنز، پاکستان ٹیم میں حسن علی اور فہیم اشرف کی شمولیت کا امکان

— Abdul Majid Bhatti (@bhattimajid) March 11, 2022

اس سے قبل آسٹریلوی کپتان پیٹ کمنز نے کراچی میں ہونے والے ٹیسٹ میچ کے لیے حکمت عملی میں تبدیلی کا اشارہ دیا تھا،ان کا کہنا تھا کہ پاکستان کے خلاف بقیہ ٹیسٹ میچز کے لیے بہترین حکمت عملی یہ ہے کہ دو اسپنرز کو شامل کیا جائے۔

انہوں نے کہا کہ اگر چہ کراچی کی پچ پر کوئی فرق نہیں پڑے گا لیکن اب آگے بڑھنے کا بہترین طریقہ باقی سیریز میں اسپنرز کو شامل کرنا ہے تاہم پچ دیکھ کر فیصلہ کیا جائے گا کہ کن دو اسپنرز کو ٹیم میں شامل کرنا ہے۔

مزید پڑھیں:آئی سی سی نے بھی راولپنڈی کی پچ کو اوسط سے کم درجہ قراردیدیا

انہوں نے کہا کہ اس مرتبہ پنڈی اسٹیڈیم کی وہ روایتی پچ نہیں تھی جس کے بارے میں ہم نے جانا اور دیکھا تھا، یہ وہ پچ نہیں تھی جس کے بارے میں پنڈی اسٹیڈیم مشہور ہے، ایسی پچز جن پر بولرز کے لیے کچھ نہ ہو ان پر میچ ڈرا ہونے کا ہی امکان ہوتا ہے۔

آسٹریلوی کپتان نے پنڈی اسٹیڈیم میں شائقین کرکٹ کی تعریف بھی کی۔ خیال رہے کہ پاکستان اور آسٹریلیا کے درمیان دوسرا ٹیسٹ میچ 12 مارچ سے کراچی میں شروع ہوگا۔