آسٹریلیا کے خلاف اچھا کھیل کر عوامی توقعات پر پورے اتریں گے۔آصف علی

لاہور: قومی کرکٹ ٹیم کے بیٹر آصف علی نے کہا ہے کہ ہم آسٹریلیا کے خلاف آئندہ برس اچھا کھیل کر عوامی توقعات پر پورا اترنے کی بھرپور کوشش کریں گے جبکہ میچز مختلف اسٹیڈیمز میں منعقد ہوں گے۔

تفصیلات کے مطابق پاکستانی ٹیم کے کرکٹر آصف علی نے میڈیا سے بات چیت کرتے ہوئے کہا کہ ٹی 20 ورلڈ کپ کے بعد تبدیلی آگئی کہ لوگوں نے مجھ سے زیادہ توقعات وابستہ کر لی ہیں۔ کوشش ہوگی زیادہ محنت کرکے عوام کی توقعات پر پورا اترا جائے۔

یہ بھی پڑھیں:

عابد علی کے دل کی 2شریانیں بند،  ایک اسٹنٹ ڈال دیا گیا

کرکٹ کا نیا سیزن، دُنیا کی بہترین ٹیمیں پاکستان آنے والی ہیں۔رمیز راجہ

آئندہ برس آسٹریلیا کے دورۂ پاکستان پر تبصرہ کرتے ہوئے آصف علی نے کہا کہ ہوم سیریز کے میچز پاکستان کے مختلف اسٹیڈیمز میں کھیلے جائیں گے۔ کوشش ہوگی کہ کرکٹ کی مضبوط ترین ٹیم آسٹریلیا کے خلاف اچھی کارکردگی کا مظاہرہ ہو۔

قومی کرکٹ ٹیم کے بیٹر آصف علی نے کہا کہ ہم کرکٹ کے شائقین کی توقعات پر پورا اترنے کی بھرپور کوشش کریں گے۔ اس کے علاوہ پی ایس ایل 7 کیلئے بھی خوشی ہے کہ یہ ایونٹ پاکستان میں منعقد ہوگا اور اسٹیڈیم میں شائقین کو آمد کی اجازت ہوگی۔

انہوں نے کہا کہ ٹیم کیلئے سو فیصد کارکردگی کا مظاہرہ ہمیشہ سے کوشش رہا ہے۔ پی ایس ایل کے نئے سیزن میں بھی اچھا کرنے کی کوشش ہوگی۔ ویسٹ انڈیز کے خلاف ون ڈے سیریز ملتوی ہوئی اس کا افسوس اور کورونا میں مبتلا افراد کیلئے دعا کر رہا ہوں۔