کراچی گرین لائن منصوبہ آئندہ ماہ فعال کیا جائے گا۔اسد عمر

اسلام آباد: نیشنل کمانڈ اینڈ آپریشن سینٹر (این سی او سی) کے سربراہ اور وفاقی وزیرِ منصوبہ بندی اسد عمر نے کہا ہے کہ کراچی گرین لائن بس منصوبہ آئندہ ماہ دسمبر کے دوران فعال کیا جائے گا جس کا مقصد شہریوں کو ٹرانسپورٹ کی مناسب سہولیات مہیا کرنا ہے۔ 

سماجی رابطے کی ویب سائٹ ٹوئٹر پر اپنے پیغام میں این سی او سی کے سربراہ اسد عمر نے کہا کہ میں نے کل کراچی گرین لائن بس منصوبے کا تفصیلی جائزہ لیا۔ آئندہ 10 روز میں یہ منصوبہ تجرباتی آزمائش کیلئے تیار ہوجائے گا۔

یہ بھی پڑھیں:

اسد عمر کا پشاور میوزیم کا دورہ، صوبائی حکومت کو خراجِ تحسین

آئندہ چند ماہ میں مہنگائی میں کمی کا کوئی امکان نہیں، اسد عمر

کل کراچی گرین لائن منصوبے کا تفصیلی جائزہ لیا. انشاءاللہ اگلے دس دن میں یہ منصوبہ ٹرائل آپریشن کے لئے طیار ہو گا. اس کے بعد وزیراعظم @ImranKhanPTI کراچی آ کر منصوبے کا افتتاح کریں گے. تقریباً دو ہفتے ٹرائل آپریشن کے بعد انشاءاللہ 25 دسمبر کو کمرشل آپریشن کا آغاز کر دیا جائے گا

— Asad Umar (@Asad_Umar) November 28, 2021

ٹوئٹر پیغام میں وفاقی وزیرِ منصوبہ بندی اسد عمر نے کہا کہ منصوبہ تیار ہونے کے بعد وزیر اعظم عمران خان کراچی آ کر اس کا افتتاح کریں گے۔ 2 ہفتے تجرباتی آزمائش کے بعد ان شاء اللہ 25 دسمبر کو کمرشل آپریشن کا آغاز کیا جائے گا۔ 

خیال رہے کہ اس سے قبل وفاقی وزیر منصوبہ بندی و ترقی اسد عمر نے کہا کہ گرین لائن منصوبے کیلئے 40 بسوں کی دوسری کھیپ کراچی پہنچ گئی جو کراچی کے شہریوں کو ٹرانسپورٹ کی سہولیات مہیا کرنے کی غرض سے شہر میں لائی گئی۔

وفاقی وزیر اسد عمر نے گزشتہ ماہ اپنے ٹوئٹر پیغام میں کہا کہ گرین لائن منصوبے کیلئے 40 بسوں کی دوسری کھیپ کراچی پہنچنے کے بعداب تمام 80 بسیں کراچی پہنچ چکیں، کمرشل آپریشن کی تیاریاں مقررہ ہدف کے مطابق چل رہی ہیں۔