گوگل نیوز پر ہمیں فالو کریںکراچی: قومی وومن ٹیم کی کرکٹر فاطمہ ثناء نے انگلینڈ کی ٹیم کے پاکستان پہنچنے اور پی سی بی کی جانب سے انگلش ٹیم کی آمد کی شیئر کردہ ویڈیو پر ردعمل دیا ہے۔
پاکستان کرکٹ بورڈ کی جانب سے شیئر کی گئی ویڈیو میں دیکھا جا سکتا ہے کہ پاکستان پہنچنے پر انگلینڈ کی ٹیم کا شاندار استقبال کیا گیا اور انہیں گلدستے پیش کیے گئے۔
قومی ویمن کرکٹر فاطمہ ثنا نے ویڈیو کو شیئر کرتے ہوئے انگلش کرکٹ بورڈ کو ٹیگ کرتے ہوئے لکھا ‘جی آیا نوں ‘۔
فاطمہ ثناء نے بھرپور خوشی کا اظہار کیا اور جیمز اینڈرسن کو مینشن کرتے ہوئے لکھا کہ ‘مجھ سے انتظار نہیں ہو رہا کہ کب اس تاریخی دورے کے میچز شروع ہوں گے اور کب میں اپنے پسندیدہ کرکٹرز میں سے ایک جیمز اینڈرسن کو پاکستانی مٹی پر بولنگ کرتا دیکھوں گی’۔
واضح رہے کہ انگلش کرکٹ ٹیم پاکستانی سرزمین پر 17 سال بعد ٹیسٹ سیریز کھیلنے کیلئے اسلام آباد پہنچ گئی ہے۔
مزید پڑھیں:بین اسٹوکس کی قیادت میں انگلینڈ ٹیم کی پاکستان آمد، محمد نواز کا بیان سامنے آگیا
یاد رہے کہ پاکستان اور انگلینڈ کے درمیان پاکستانی سرزمین پر 17 سال بعد پہلا ٹیسٹ یکم دسمبر سے راولپنڈی میں کھیلا جائے گا، سیریز کا دوسرا ٹیسٹ 9 دسمبر سے ملتان جبکہ تیسرا ٹیسٹ 17 دسمبر سے کراچی میں منعقد کیا جائے گا۔
