گوگل نیوز پر ہمیں فالو کریںکراچی: نارتھ ناظم آباد تھانے پر انسداد اغوا برائے تاوان سیل کے عملے چھاپہ مار کر تاوان کیلیے اغوا کیے گئے نوجوانوں کو بازیاب کرالیا۔
اینٹی وائلنٹ کرائم سیل (اے وی سی سی)حکام نے اس حوالے سے میڈیا کو بتایا کہ مذکورہ تینوں مغویان کو 50لاکھ روپے تاوان کے لیے اغوا کیا گیا اور انہیں تھانے کی چھت پر رکھا گیا تھا۔
کارروائی کے دوران 2 برطرف پولیس اہلکاروں سمیت5اغواکاروں کو گرفتار کیا گیا ہے، ملزمان نے تینوں مغویوں کو دو روز سے تھانے کی چھت پر قید کر رکھا ہوا تھا۔
اے وی سی سی حکام کے مطابق قائد آباد کے رہائشی افراد کو 22 مارچ کو اغوا کیا گیا تھا، اغوا کاروں نے مغویوں کو سستا کالا بچھو دینے کا لالچ دیا اور خریداری کے لیے نارتھ ناظم آباد بلایا اور اغوا کرلیا۔
اے وی سی سی حکام کے مطابق عصمت، سلیم اور شعیب کو اغوا کرکے رکھا گیا تھا۔
اغوا کاروں میں برطرف اہلکار محبوب علی اور آصف کے علاوہ مختار، اسد ریاض اور کاشف بھی شامل ہیں، مغویان کے اہل خانہ سے 50لاکھ تاوان کی ڈیل5لاکھ میں طے کی گئی تھی۔
مزید پڑھیں:پنجاب میں سی ٹی ڈی کی بڑی کارروائی، کالعدم تنظیم کے 5 اہم دہشتگرد گرفتار
مغویوں کے اہلخانہ کی جانب سے4 لاکھ تاوان دیا گیا، اے وی سی سی ٹیم کے چھاپے میں تاوان کی رقم بھی برآمد کرلی گئی ہے۔
