گوگل نیوز پر ہمیں فالو کریںخضدار اسکول بس دھماکے میں شدید زخمی ہونے والا ایک اور طالبعلم جمعہ کے روز زخموں کی تاب نہ لاتے ہوئے شہید ہو گیا جس کے بعد بدھ کے روز ہونے والے اس دہشتگرد حملے میں شہید طلباء کی تعداد پانچ ہوگئی ہے۔
سانحہ میں مجموعی طور پر شہادتوں کی تعداد سات ہو چکی ہے، جن میں بس ڈرائیور اور کنڈیکٹر بھی شامل ہیں۔
شہید ہونے والے طالبعلم کا نام حیدر بتایا گیا ہے، جو دھماکے میں شدید زخمی ہوا تھا اور آج اسپتال میں جام شہادت نوش کر گیا۔
شہید طلباء میں اب تک چار بچیاں اور ایک بچہ شامل ہیں جنہوں نے تعلیم حاصل کرتے ہوئے دشمن کی بزدلانہ کارروائی کا نشانہ بن کر جان کا نذرانہ پیش کیا۔
Sadly, two more innocent students have lost their lives due to injuries sustained during a cowardly suicide attack on a school bus by Indian sponsored terrorists Fitna al Hindustan, in total 6 students have passed away#Khuzdar #Balochistan #Pakistan
Haider age 13 and Malaika… pic.twitter.com/eVbw9AWxMS
— Pakistan Armed Forces News 🇵🇰 (@PakistanFauj) May 23, 2025
یہاں یہ بات قابل ذکر ہے کہ سرحدی محاذ پر عبرتناک شکست کے بعد بھارت اب پاکستان کو اندرونی طور پر غیر مستحکم کرنے کی سازشوں میں مصروف ہے۔ وہ خیبر پختونخوا اور بلوچستان میں اپنے پروردہ گروہوں کے ذریعے بدامنی پیدا کرنے کی کوششیں کر رہا ہے۔
حکومت پاکستان نے واضح کر دیا ہے کہ ایسے حملوں کو کسی صورت برداشت نہیں کیا جائے گا اور ان کے خلاف سخت ترین حکمت عملی اپنائی جائے گی تاکہ ملک میں امن و امان کو یقینی بنایا جا سکے۔
