گوگل نیوز پر ہمیں فالو کریںممبئی: شاہ رخ خان کے بیٹے آریان خان ضمانت منسوخ ہونے کے بعد ایک نئی مشکل میں پھنس گئے۔نارکوٹکس کنٹرول بیورو (این سی بی) کے مطابق اداکارہ اننیا پانڈے آریان خان کے لیے منشیات کا انتظام کرنے کے لئے راضی تھیں۔
بھارتی میڈیا کا اس حوالے سے کہنا ہے کہ ممبئی کروز شپ منشیات کیس میں بالی وڈ اداکارہ اننیا پانڈے کو این سی بی دفتر گزشتہ صبح پوچھ گچھ کیلئے طلب کیا گیا تھا، جہاں ان سے گھنٹوں اس حوالے سے تفتیش کی گئی۔
بالی وڈ اداکارہ اننیا پانڈے سے تفتیش اور آریان خان کے خلاف کی جانے والی تحقیقات میں این سی بی افسران نے دونوں کے درمیان اس حوالے سے ہونے والی واٹس ایپ چیٹ پر بھی بات کی۔
بھارتی میڈیا کا کہنا ہے کہ واٹس ایپ چیٹ میں گانجے کے بندوبست پر بات چیت کی جارہی تھی، اور چیٹ سے انکشاف ہوا ہے کہ آریان نے اننیا سے پوچھا تھا کہ کیا گانجا کا کوئی انتظام ہوسکتا ہے؟ اس پر اننیا نے رضامندی ظاہر کردی تھی۔
پوچھ گچھ کے دوران یہی بات این سی بی افسران کی جانب سے اداکارہ سے پوچھی گئی تو اداکارہ کا کہنا تھا کہ وہ یہ مذاق کررہی تھیں، انہوں نے کہا کہ میں اس وقت حتمی طور پر بات نہیں کررہی تھی۔
مزید پڑھیں: بھارتی اداکارہ نچلی ذات کیخلاف توہین آمیز تبصرہ کرنے پرگرفتار
