گوگل نیوز پر ہمیں فالو کریںلاہور : پاکستانی اداکار احسن خان نے ترک ڈرامہ ارطغرل غازی کی ہیروئن کے طرز زندگی پر تنقید کو شرمناک قرار دیتے ہوئے تنقید کا سلسلہ بند کرنے کا مطالبہ کیا ہے۔
اداکار احسن خان نے اپنے ٹوئٹر پیغام میں کہا ہے کہ میں جانتا ہوں کہ پاکستان میں لوگ اداکاروں کے حوالے سے ٹرول کرنا ٹھیک سمجھتے ہیں لیکن کم از کم ارطغرل غازی کی کاسٹ کو بخش دیں۔
ان کا کہنا ہے کہ یہ انتہائی شرم کی بات ہے کہ ہمیں اپنے کے ساتھ غیر ملکیوں کی زندگیوں میں مداخلت سے بھی باز نہیں آتے ، انہوں نے کہا کہ مداح ارطغرل غازی کی ہیروئن حلیمہ سلطان یعنی اسراء بلجیک پر تنقید کا سلسلہ بند کردیں۔
مزید پڑھیں: خلیل الرحمٰن قمر کاارطغرل غازی جیساڈرامہ بنانے کا اعلان، ہیرو بھی فائنل
واضح رہے کہ پاکستان میں ان دنوں مقبولیت کی بلندیوں کو چھونے والے ڈرامہ ارطغرل غازی میں حلیمہ سلطان کا کردار ادا کرنیوالی اسراء بلجیک کی مغربی لباس میں تصاویر سامنے آنے پر مداحوں کی طرف سے شدید تنقید کا نشانہ بنایا جارہا ہے۔
I know people in #Pakistan think it’s ok to troll actors here and judge them, atleast spare the cast of #Ertugral it’s bloody shameful what’s going on! Who the hell are we to do this to them?
— Ahsan Khan (@Ahsankhanuk) May 11, 2020
