کابل: افغان دارالحکومت کابل میں کاربم دھماکہ میں کم از کم 12 افراد جاں بحق اور 20 دیگر زخمی ہوگئے۔ جاں بحق ہونے والوں میں تین بچے بھی شامل بتائے جاتے ہیں۔
افغان وزارت داخلہ کے وزیر مسعود اندرابی کے مطابق کابل شہر کے ضلع 15 کے علاقے قصابہ میں بدھ کی صبح بارود سے بھری کار نے ایک نجی سیکیورٹی کمپنی کے قافلے کو نشانہ بنایا اور کار ٹکرا کر دھماکہ کرایا۔
افغان وزارت داخلہ کے ترجمان نصرت رحیمی کے مطابق دھماکہ میں 12 افراد جاں بحق اور 20 دیگر زخمی ہوگئے۔ جاں بحق ہونے والوں میں تین بچے جبکہ زخمیوں میں سیکورٹی کمپنی کے چار غیرملکی اہلکار بھی شامل ہیں۔
مزید پڑھیں: افغان صوبہ لوگر میں امریکی فوج کی بمباری ،افغان نیشنل آرمی کے چار اہلکار ہلاک، چھ زخمی