گوگل نیوز پر ہمیں فالو کریںراولپنڈی: پاکستان تحریک انصاف (پی ٹی آئی) کے چیئرمین اور سابق وزیر اعظم عمران خان کہنا ہے کہ ان کو خوف ہے اگر الیکشن کروائے تو عمران خان دو تہائی اکثریت لے جائیگا۔ جب تک قوم کو حقیقی آزادی نہیں دلواؤں گا، سڑکوں پر رہوں گا، پی ٹی آئی کو کرش کرنے کا پلان بنایا گیا ہے۔
چیئرمین تحریک انصاف عمران خان کا راولپنڈی کے لیاقت باغ میں جلسے سے خطاب کرتے ہوئے کہنا تھا کہ پی ٹی آئی کو کرش کرنے کا پلان بنایا گیا ہے، یہ چاہتے ہیں کہ پاکستان کی سب سے بڑی پارٹی کرش ہو اور اس کے بعد الیکشن کروایا جائے۔
عمران خان کا کہنا تھا کہ میں نہیں چاہتا تھا اگر امریکا افغانستان میں کوئی کارروائی کرے تو اس میں ہمارا ملک ملوث ہو۔ نواز شریف کو چوری کرنے پر نکالا گیا جب کہ میری حکومت اس لیے ختم کی گئی کیونکہ میں امریکا کی نوکری نہیں کرنا چاہتا تھا، کیا میں منی لانڈرنگ کرکے ملک کا پیسا باہر لے جاکر بنگلے بنارہا تھا؟ میں تو آزاد خارجہ پالیسی چاہتا تھا۔
اُنہوں نے کہاکہ بھارت کی آزاد خارجہ پالیسی ہے اور ہم دوسروں کی جنگوں میں شامل ہوکر تباہی کرتے ہیں، 400 ڈرون حملوں ہوئے، 35 لاکھ قبائلی نقل مکانی کرگئے، تھوڑے سے ڈالروں کے لیے ملک کو تباہی کی طرف لے جایا گیا۔
سابق وزیر اعظم نے کہا کہ شہباز گل کو ننگا کرکے اس پر تشدد کیا گیا، جو کچھ ظلم انہوں نے کیا ہے یہ جانوروں سے بھی نیچے چلے گئے ہیں، اس ملک کا واحد حل صاف و شفاف الیکشن ہے۔
عمران خان نے کہا کہ اگر روس سے مجھے 30 یا چالیس فیصد کم قیمت پر تیل مل رہا تھا تو کیوں نہ لیتا؟ اگر بھارت روس سے تیل خرید سکتا ہے تو ہم کیوں نہیں خرید سکتے۔
مزید پڑھیں:پی ٹی آئی چیئرمین عمران خان کے خلاف اسلام آباد میں مقدمہ درج
