گوگل نیوز پر ہمیں فالو کریںپاکستانی شوبز انڈسٹری کی مقبول ترین جوڑی ماورا حسین اور امیر گیلانی کے گھر ننھے مہمان کی آمد ہوئی ہے۔دونوں فنکاروں نے سوشل میڈیا کے ذریعے اپنے تمام مداحوں کو اس خوشخبری سے آگاہ کیا ہے کہ اللہ تعالیٰ نے انہیں بیٹے کی نعمت سے نوازا ہے جس کا نام انہوں نے ازمیر رکھا ہے۔
جوڑے کی جانب سے یہ خبر سوشل میڈیا پر شیئر کیے جانے کے بعد مداحوں اور شوبز انڈسٹری سے تعلق رکھنے والی شخصیات کی جانب سے مبارک باد اور نیک تمناؤں کا اظہار کیا جا رہا ہے۔ مداحوں نے ننھے مہمان کے لیے صحت، خوشیوں اور روشن مستقبل کی دعائیں بھی کی ہیں۔
View this post on Instagram
ماورا حسین اور امیر گیلانی کی دوستی کئی برس پر محیط ہے۔ دونوں فنکار مختلف ٹیلی وژن ڈراموں میں ایک ساتھ کام کر چکے ہیں جس کے دوران ان کی جوڑی کو ناظرین کی جانب سے بھی پذیرائی ملی۔
دونوں فروری 2025 میں شادی کے بندھن میں بندھے تھے۔ شادی کے بعد سے ان کے مداح اس جوڑی کو پسند کرتے رہے ہیں اور اب پہلے بچے کی پیدائش کی خبر نے ان کی خوشیوں کو مزید بڑھا دیا ہے۔
ازمیر کی آمد پر مداحوں کی جانب سے جوڑے کے لیے مبارک باد کے پیغامات کا سلسلہ جاری ہے جبکہ سوشل میڈیا پر بھی اس خوشی کے موقع پر نیک خواہشات کا اظہار کیا جا رہا ہے۔
