گوگل نیوز پر ہمیں فالو کریںسال 2022 میں پاکستانی ڈراموں کی مقبولیت میں بے پناہ اضافہ ہوا ہے، کئی ایسے پاکستانی ڈرامے ہیں جنہیں صرف پاکستان میں ہی نہیں بلکہ دنیا کے دیگر ممالک میں بھی پذیرائی ملی۔
سال 2022 اپنے اختتام میں ہے، اسی لئے ہم نے رواں سال کے مقبول پاکستانی ڈراموں کی ایک فہرست تیار کی ہے، آئیے اُس پر ایک نظر ڈالتے ہیں:
1. سنگِ ماہ
رواں سال مقبول ہونے والے پاکستانی ڈراموں میں سنگِ ماہ سرفہرست رہا،جس کی کاسٹ میں نعمان اعجاز، سمیعہ ممتاز، ثانیہ سعید، عمیر رانا، عاطف اسلم، ہانیہ عامر اور کبریٰ خان شامل ہیں۔
سنگِ ماہ کو مصطفیٰ آفریدی نے تحریر کیا تھا اور مومنہ درید پروڈکشنز نےاسے پروڈیوس کیا تھا، ڈرامہ قبائلی علاقوں میں ’گھگ‘ کی صورت میں خواتین پر ہونے والے ظلم پر توجہ مرکوز کرتا ہے۔
2. صنفِ آہن
ڈرامہ سیریل صنفِ آہن خواتین پر مبنی ایک ڈرامہ تھا جوکہ مختلف پسِ منظر سے تعلق رکھنے والی سات لڑکیوں کی کہانی کے گرد گھومتا ہے جن کی زندگی فوج میں شامل ہونے کے بعد بدل جاتی ہے۔
ڈرامے کی کاسٹ میں سجل علی، کبریٰ خان، یمنا زیدی، رمشا خان، سائرہ یوسف، اور سری لنکن اداکارہ یہالی تاشیا، شہریار منور، دانیر مبین، عثمان مختار، عاصم اظہر اور میروب علی سمیت دیگر شامل ہیں۔
3. کیسی تیری خودغرضی
ڈرامہ سیریل کیسی تیری خودغرضی کی کہانی ایک امیر تاجر نوجوان کے گرد گھومتی ہے جو ایک متوسط گھرانے کی لڑکی کہ عشق میں مبتلا ہوجاتا ہے اور پھر وہ اُس لڑکی کا دل جیتنے کیلئے ہر ممکن حد تک جاتا ہے۔
ڈرامے کی کاسٹ میں دانش تیمور، درِفشاں سلیم،لائبہ خان، لیلیٰ واسطی، نعمان اعزاز، عتیقہ اوڈھو، حماد شعیب، زینب قیوم، شہود علوی، ٹیپو شریف، عماد بٹ اور شہزین راحت شامل ہیں۔
4. میرے ہمسفر
ہم ٹی وی پر نشر ہونے والے اس ڈرامے کی کہانی ایک نوجوان لڑکی ہالا کے گرگھومتی ہے جسے اُس کے والد بچپن میں اُس کی دادی کے گھر پر چھوڑ کر بیرونِ ملک چلے جاتے ہیں۔
یتیم ومسکین ہونے کی وجہ سے ہالا کے ساتھ گھر میں اچھا سلوک نہیں کیاجاتا۔ تاہم، ہالا کی زندگی میں تبدیلی اُس وقت آتی ہے جب اُس کی شادی بیرونِ ملک سے آنے والے کزن کے ساتھ ہوجاتی ہے۔
میرے ہمسفرکی کاسٹ میں فرحان سعید، ہانیہ عامر، صبا حمید، وسیم عباس، تارا محمود، علی خان، عمر شہزاد اور زویا ناصر شامل ہیں۔
5. چوہدری اینڈ سنز
سید وجاہت حسین کی ہدایت کاری اور صائمہ اکرم چوہدری کا تحریر کردہ ڈرامہ سیریل چوہدری اینڈ سنز کی کہانی ایک خاندان کے دوبارہ ملنے کے گرد گھومتی ہے۔
6. فراڈ
فراڈ 2022 کی بہترین ڈرامہ سیریلز میں سے ایک ہے جس میں صبا قمر، احسن خان، اور میکال ذوالفقار نے مرکزی کردار ادا کیے ہیں۔ فراڈ کی کہانی ایک بہت ہی مناسب مسئلے پر روشنی ڈالتی ہے کہ کس طرح معصوم لڑکیوں کو پھانس کر، خاص طور پر انٹرنیٹ کے ذریعے دھوکہ دہی کا ارتکاب کیا جاتا ہے۔ حقیقت میں، یہ دونوں طریقوں سے کیا جاتا ہے بعض اوقات لڑکیاں بھی بے ایمانی اور فریب میں ملوث ہوتی ہیں۔
7. اے مشتِ خاک
ڈرامہ سیریل اے مشتِ خاک کی کہانی ایک نوجوان مستجاب کے گرد گھومتی ہے جو کہ مذہب پر یقین نہیں رکھتا لیکن اُسے ایک مذہبی لڑکی دعا سے پیار ہوجاتا ہے۔
دعا اُس کے جذبات کا جواب دینے سے انکار کرتی ہے جس سے وہ مشتعل ہوجاتا ہے اور اُس کی پسندیدگی جلد ہی جنون میں بدل جاتی ہے۔ ڈرامےکی کاسٹ میں فیروز خان، ثنا جاوید، اسد صدیقی، شبیر جان، شہود علوی، عفت عمر، صدف احسن، عائشہ گل، شجیر الدین، نمرہ شاہد، دانیال افضل، شیزا، حرا عمر، ایلی زید اور شاہ جی شامل ہیں۔
8. بختاور
ڈرامہ سیریل بختاور میں یمنیٰ زیدی نے مرکزی کردار ادا کیا ہے، یہ ڈرامہ حقیقی زندگی سے متاثر ہے جس کا نام فرحین اشتیاق ہے جس نے ایک مرد کی طرح لباس پہن کر کام کیا ہے۔
ڈرامے کی دیگر کاسٹ میں زاویار نعمان اعجاز، مزنہ وقاص، نورین گلبانی، ثاقب سمیر ہما نواب اور دیگر شامل ہیں۔
9. حبس
کاسٹ میں اشنا شاہ، فیروز خان، دانیہ انور، ٹیسا عائشہ عمر، سعدیہ فیصل، ارسا غزل اور دیگر شامل ہیں۔
ڈرامہ سیریل حبس کی کہانی بنیادی طور پر عائشہ اور باسط کے گرد گھومتی ہے۔ عائشہ ایک ایسی نوجوان لڑکی ہے جو ہمیشہ اپنے دل کی بات کرتی ہے جبکہ اُس کی والدہ ایک بیوہ اور موقع پرست خاتون ہیں جن کے لیے بقا ہر چیز سے پہلے ہے۔
10. ہم تم
ہم تم ایک مزاحیہ کامیڈی ڈرامہ تھا جو کہ دو پڑوسیوں کے گرد گھومتا ہے، ڈرامے میں آدم سلطان اور نیہا قطب الدین کو دکھایا گیا تھا جو کہ پڑوسی ہوتے ہیں لیکن وہ بچپن سے لے کر جوانی تک لڑتے رہتے ہیں، کہانی اُس وقت دلچسپ ہوجاتی ہے جب آدم کو نیہا سے محبت ہوجاتی ہے۔
ڈرامے کی کاسٹ میں احد رضا میر، رمشا خان، سارہ خان، عائنہ آصف، انوشہ رانیہ خان، جنید خان اور دیگر شامل ہیں۔
