گوگل نیوز پر ہمیں فالو کریںکراچی کی شارع فیصل پر مہدی ٹاور میں لگی آگ پر قابو پا لیا گیا، جس کے بعد کولنگ کا عمل جاری ہے۔
فائر بریگیڈ حکام کے مطابق آگ 12 منزلہ عمارت کی دوسری منزل پر لگی جو چھت تک جا پہنچی اور تمام عمارت کو اپنی لپیٹ میں لے لیا۔
????BREAKING:
شاہراہ فیصل پر پورٹ وے بلڈنگ کے ساتھ والی عمارت میں آگ بھڑک اٹھی، ٹریفک میں خلل کا خدشہFire Erupted at A Building Next to Portway Building at Shahra e Faisal , Traffic Disturbance Expected
Weather Updates PK / Pakistan Doppler (Former Karachi Doppler) pic.twitter.com/ahi5WPVxxB— Weather Updates PK (@WeatherWupk) April 28, 2023
فائر بریگیڈ حکام کا کہنا ہے کہ عمارت میں موجود تمام افراد کو بحفاظت نکال لیا گیا ہے، تاہم کولنگ کے عمل میں کچھ وقت لگ سکتا ہے۔ آگ پر قابو پانے کے لیے اسنارکل طلب کی گئی تھی، فائر بریگیڈ حکام کے مطابق ایک اسنارکل اور 3 فائر ٹینڈرز نے آگ بجھانے کی کارروائی میں حصہ لیا۔
یہ بھی پڑھیں:
لکی مروت میں سکیورٹی فورسز کے کیمپ پر حملہ، شدید فائرنگ اور دھماکے
فائر بریگیڈ حکام نے بتایا کہ عمارت میں 3 سےچارمنزلوں پر قائم دفاتر کو آگ سے نقصان پہنچا ہے، متاثرہ عمارت کے ساتھ موجود عمارت میں گزشتہ ماہ آگ لگی تھی۔
اس سے قبل شارع فیصل پر نرسری کے قریب واقع ایک کثیر المنزلہ کمرشل عمارت میں آگ لگی تھی۔
واضح رہے کہ 16 منزلہ عمارت میں لگنے والی آگ سے متعلق چیف فائر آفیسر نے بتایا تھا کہ آگ عمارت میں لگائے پینافلکس میں لگی تھی جس نے پوری عمارت کو اپنی لپیٹ میں لے لیا تھا۔
