T20 ورلڈ کپ، حسن علی کی دوران پرواز اہلخانہ کے ہمراہ تصاویر وائرل

اسلام آباد:پاکستان کرکٹ ٹیم کے فاسٹ بالر حسن علی نے ٹی ٹوئنٹی ورلڈ کپ کے لیے دبئی روانگی کے دوران پرواز سے اہلخانہ کے ساتھ اپنی تصاویر سوشل میڈیا پر وائرل کردیں۔

حسن علی نے سوشل میڈیا سائٹ انسٹاگرام پر T20 ورلڈ کپ کے لیے دبئی روانہ ہوتے ہوئے کچھ اسٹوریز شیئر کی ہیں۔حسن علی نے اپنی پہلی انسٹاگرام اسٹوری میں بیٹی کے ساتھ خوبصورت تصویر شیئر کی۔

جس میں اْنہوں نے گود میں اپنی بیٹی کو بٹھایا ہوا ہے، یہ تصویر دورانِ پرواز لی گئی ہے۔اس کے بعد دیگر دو انسٹاگرام اسٹوریز میں حسن علی نے اپنی اہلیہ اور بیٹی کے ساتھ لی گئی تصاویر شیئر کیں۔

یاد رہے کہ قومی ٹیم ٹی ٹوئنٹی ورلڈ کپ میں شرکت کیلئے دبئی روانہ ہوچکی ہے، قومی ٹی ٹوئنٹی اسکواڈ کے کچھ ارکان کی فیملیز بھی جا رہی ہیں، بیٹنگ کنسلٹنٹ میتھیوہیڈن دبئی میں پاکستان ٹیم کو جوائن کریں گے۔

ٹی ٹوئنٹی ورلڈ کپ کے لئے بولنگ کنسلٹنٹ ویرنن فلینڈر نے لاہور میں ٹیم کو جوائن کیا۔قومی کرکٹ ٹیم کے کپتان بابراعظم کی قیادت میں پاکستان ٹیم 24 اکتوبر کو بھارت کے خلاف پہلا میچ کھیلے گی۔

مزید پڑھیں:
قومی ٹیم 2009ء کی طرح دوبارہ چمپئن بن سکتی ہے، شاہد آفریدی

واضح رہے کہ پاک بھارت ٹاکرے کو لے کر شائقین کرکٹ میں ابھی سے ہی جوش پایا جارہا ہے اور اس میچ کا بے صبری سے انتظار کررہے ہیں۔