گوگل نیوز پر ہمیں فالو کریںاسلام آباد: وفاقی وزیر داخلہ شیخ رشید احمد نے کہا ہے کہ ڈاکٹر عبدالقدیر خان کی تدفین سرکاری اعزاز کے ساتھ کی جائے گی۔ وزارت داخلہ نے اس حوالے سے تمام انتظامات مکمل کرلیے ہیں۔
ڈاکٹر عبدالقدیر خان کی تدفین کے حوالے سے ہونے والے اجلاس کے بعد میڈیا سے گفتگو کرتے ہوئے شیخ رشید احمد نے کہا ہے کہ وزیراعظم عمران خان کی ہدایات کے مطابق کابینہ کے تمام ارکان نماز جنازہ میں شرکت کریں گے۔
وفاقی وزیر داخلہ کا کہنا ہے کہ چیئرمین جوائنٹ چیفس آف اسٹاف کمیٹی نماز جنازہ میں شرکت کریں گے اور مسلح افواج کے اعلیٰ افسران بھی شرکت کریں گے، جبکہ عوام کو بھی نماز جنازہ میں شریک ہونے کی اجازت ہو گی۔
شیخ رشید احمد کا کہنا ہے کہ دو قبریں بنائی جارہی ہیں ایک قبر ایچ 8 میں جبکہ دوسری قبر فیصل مسجد کے احاطے بنائی جارہی ہے۔ تاہم جو فیصلہ ڈاکٹر قدیر کے اہلخانہ کریں گے اس پر عمل کیا جائےگا۔
شیخ رشید نے کہا ہے کہ چیئرمین سینیٹ اور اسپیکر قومی اسمبلی میں نماز جنازہ میں شرکت کریں گے۔ ڈاکٹر عبدالقدیر خان کے انتقال پر آج قومی پرچم سرنگوں رہے گا۔
یہ بھی پڑھیں
ڈاکٹر عبدالقدیر خان کا انتقال:وزیراعظم اور صدر علوی سمیت سیاسی رہنماؤں کا اظہار تعزیت
