گوگل نیوز پر ہمیں فالو کریںنیو یارک: وزیرِ خارجہ شاہ محمود قریشی نے بیلجیئم کی ہم منصب صوفی ویلمس سے ملاقات کی ہے جس کے دوران پاک بیلجیئم دو طرفہ تعلقات پر گفتگو ہوئی اور باہمی دلچسپی کے دیگر امور زیرِ غور آئے۔
وزیرِ خارجہ شاہ محمود قریشی نے آج اقوامِ متحدہ کے جنرل اسمبلی اجلاس کی سائیڈ لائن پر بیلجیئن ہم منصب سے ملاقات کی جس کے دوران دونوں ممالک کے باہمی تعلقات پر سیر حاصل گفتگو ہوئی اور تجارت، سرمایہ کاری اور سیاحت سمیت تمام شعبہ جات میں دو طرفہ تعاون کو فروغ دینے پر اتفاق کیا گیا۔
Met with FM @Sophie_Wilmes of Belgium today on the sidelines of #UNGA and discussed our bilateral ties, that have grown positively over the years across a diversity of fields. Pakistan was pleased to assist #Belgium in its evacuation operation from Kabul.
🇵🇰 🇧🇪 pic.twitter.com/uf56c8MW8A— Shah Mahmood Qureshi (@SMQureshiPTI) September 25, 2021
اس دوران گفتگو کرتے ہوئے وزیر خارجہ شاہ محمود قریشی نے کہا کہ پاکستان اور بیلجیئم کے مابین تعلقات مختلف متنوع میدانوں میں وقت گزرنے کے ساتھ ساتھ مثبت رجحان سے فروغ پا رہے ہیں۔ پاکستان نے کابل سے انخلاء کے دوران بیلجیئم سمیت دیگر ممالک کی مدد کی جس کا شکریہ ادا کیا گیا۔
یہ بھی پڑھیں: مستحکم افغانستان کیلئے مشترکہ اقدامات کی ضرورت ہے۔وزیرخارجہ
قبل ازیں وزیرِ خارجہ مخدوم شاہ محمود قریشی نے ترک ہم منصب سے اقوامِ متحدہ کی جنرل اسمبلی کے 76ویں اجلاس کے موقعے پر مسئلۂ کشمیر پر پاکستان کے مؤقف کا ساتھ دینے کیلئے تشکر کا اظہار کیا ہے۔
وزیرِ خارجہ شاہ محمود قریشی نے گزشتہ روز ترک ہم منصب میولوت چاوش اولو سے جنرل اسمبلی کے 76ویں اجلاس کی سائیڈ لائن پر ملاقات کی جس کے دوران پاک ترکی تعلقات اور تمام شعبہ جات میں دو طرفہ تعاون کے فروغ سمیت خطے کے دیگر اہم معاملات پر گفتگو ہوئی۔
مزید پڑھیں: وزیرِ خارجہ کا ترکی سے مسئلۂ کشمیر پر ساتھ دینے کیلئے اظہارِ تشکر
