گرین بس نوازشریف کا منصوبہ، پی ٹی آئی پشاور میٹرو جیسا حال نہ کردے،اویس قادرشاہ

کراچی:وزیر ٹرانسپورٹ سندھ اویس قادر شاہ نے کہاہے کہ وفاقی حکومت نے سندھ میں کیا کیا ہے؟ جو وعدے کئے وہ بھی پورے نہیں کئے، سی پیک سے کراچی سرکلر ریلوے کو نکلوا کرایم ایل ون میں شامل کر دیا،وفاقی حکومت غیرسنجیدہ ہے، گرین لائن کا حال بھی پشاور میٹرو جیسا نہ ہوجائے۔

اویس قادر شاہ نے اپنے ایک بیان میں کہا کہ گرین لائن پراجیکٹ نواز شریف نے 2016میں شروع کیا، اس پراجیکٹ کا بہت سارا انفرا اسٹرکچر ابھی مکمل نہیں ہوا۔

مزید پڑھیں:کراچی آنیوالی عالمی معیار کی گرین لائن بسیں راولپنڈی، پشاور اور لاہورکی بسوں سے جدید

ہم نے کہا تھا کہ گرین لائن پراجیکٹ شروع کرنے میں جلد بازی نہ کریں، ایسا نہ ہو کہ اس کا حال بھی پشاور میٹرو جیسا ہوجائے۔

صوبائی وزیر نے بتایا کہ ریڈ لائن پراجیکٹ کی کنسٹرکشن اکتوبر تک شروع ہوجائے گی جبکہ یلو لائن پراجیکٹ کا تعمیراتی کام بھی جنوری میں شروع ہوگا۔

انہوں نے بتایا کہ ریڈ لائن پراجیکٹ میں بائیو گیس فیول استعمال کریں گے۔انہوں نے کہاکہ وفاقی حکومت سندھ کے لوگوں کے ساتھ مذاق نہ کرے، وفاق کو کچھ نہیں کرنا،اگر وفاقی حکومت سنجیدہ ہوتی تو کے سی آر کو سی پیک میں شامل کرتی۔