گوگل نیوز پر ہمیں فالو کریںلاہور:قومی کرکٹ ٹیم کے فاسٹ بولر حسن علی نے ٹوکیو پیرالمپکس میں پاکستان کیلئے پہلا گولڈ میڈل جیتنے پر حیدر علی کو شاباشی دے دی۔حسن علی نے حیدر علی کیلئے سوشل میڈیا پر ایک پیغام جاری کیا اور حیدر علی کو گولڈ میڈل جیتنے پر مبارکباد دی۔
حسن علی نے حیدر علی کو ہیرو قرار دیتے ہوئے کہا کہ آپ نے پاکستان کیلئے بہت بڑی کامیابی حاصل کی ہے۔حسن علی نے کہا کہ حیدر علی نے عالمی سطح پر پاکستان کا نام روشن کیا ہے، شاباش ہیرو۔
واضح رہے کہ پاکستان کے حیدر علی نے ٹوکیو پیرالمپکس میں تاریخ رقم کردی اور پاکستان کیلئے پیرالمپکس میں گولڈ میڈل جیتنے والے پہلے پاکستانی بننے کا اعزاز اپنے نام کرلیا۔
حیدر علی نے ٹوکیو پیرالمپکس میں مردوں کے ڈسکس تھرو مقابلے میں شرکت کی، حیدرعلی نے پانچویں باری میں 55 اعشاریہ 26 میٹر کی کامیاب تھرو کی۔
حیدر علی کا تعلق گوجرانوالہ سے ہے، حیدر علی کی دائیں ٹانگ پیدائشی طور پر بائیں ٹانگ سے دو انچ پتلی اور ایک انچ چھوٹی ہے، اپنے اس پیدائشی نقص کے باوجود بھی وہ پاکستان نام عالمی سطح پر روشن کرتے دکھائی دیتے ہیں۔
دوسری جانب اسلام آباد میں امریکی سفارتخانے نے پاکستانی پیرا ایتھلیٹ حیدر علی کو گولڈ میڈل جیتنے پر مبارکباد دی ہے۔امریکی سفارتخانے کی جانب سے ٹوئٹر پر جاری بیان میں کہا گیا کہ حیدر علی کو پاکستان کی جانب سے پہلا پیرالمپکس گولڈ جیتنے پر مبارکباد دیتے ہیں۔
سفارتخانے کی جانب سے جاری بیان میں کہا گیا کہ حیدر علی تاریخ رقم کرنے کے عادی ہوچکے ہیں، حیدر علی نے2008 میں بھی سلور میڈل جیت کر تاریخ رقم کی تھی۔واضح رہے کہ پاکستان کے حیدر علی نے ٹوکیو پیرالمپکس میں تاریخ رقم کردی۔
مزید پڑھیں: حیدر علی ٹوکیو پیرالمپکس میں گولڈ میڈل جیتنے والے پہلے پاکستان کھلاڑی بن گئے
