گوگل نیوز پر ہمیں فالو کریںاسلام آباد: چیئرمین سی پیک اتھارٹی ریٹائرڈ لیفٹیننٹ جنرل عاصم سلیم باجوہ نے اپنے عہدے سے استعفیٰ دے دیا ہے، خالد منصور چائنہ پاکستان اکنامک کوریڈور اتھارٹی (سی پیک) کے نئے چیئرمین ہوں گے۔
سماجی رابطے کی ویب سائٹ ٹوئٹر پر پیغام جاری کرتے ہوئے ریٹائرڈ لیفٹیننٹ جنرل عاصم سلیم باجوہ نے کہا ہے کہ اللہ کا شکر گزار ہوں، جس نے سی پیک جیسے اہم ادارے کو چلانے کا موقع دیا۔
I bow my head before Allah Almighty for giving me an opportunity to raise & steer the important institution of CPEC Authority as one window for all CPEC projects, charting the future direction. Wouldn’t have been possible without full confidence& support of the PM & his Govt-1/2
— Asim Saleem Bajwa (@AsimSBajwa) August 3, 2021
انہوں نے اپنے پیغام میں مزید لکھا ہے کہ میں نے اپنے عہدے کے دو سال مکمل کرلیے۔ انہوں نے کہا ہے کہ میری نیک خواہشات خالد منصور کے ساتھ ہیں۔
عاصم باجوہ نے ٹوئٹر پر کہا کہ خالد منصور مستقبل میں اتھارٹی کی قیادت کریں گے اور وہ ایسا کرنے کے لیے مکمل طور پر تیار ہیں۔
انہوں نے مزید کہا کہ میرا کام وزیراعظم عمران خان اور ان کی حکومت کے مکمل اعتماد اور حمایت کے بغیر ممکن نہیں تھا۔
وزیراعظم عمران خان کے معاون خصوصی شہباز گل نے ٹوئٹر پر پیغام جاری کرتے ہوئے کہا ہے کہ وزیراعظم عمران خان نے خالد منصور کو چیئرمین سی پیک اتھارٹی کے لیے تعینات کیا ہے۔
یہ بھی پڑھیں: بڑے خاندانوں نے بیدردی سے ملک کو لوٹا اور کرپشن کو قابل قبول بنایا، وزیراعظم عمران خان
