گوگل نیوز پر ہمیں فالو کریںکراچی:قومی ائیرلائن پی آئی اے اور پاکستان کے سب سے بڑے بینک حبیب بینک کے در میان معائدہ طے پاگیا ۔معاہدے کی رو سے پی آئی اے تمام حبیب بینک کے ڈیبٹ اور کریڈٹ کارڈ ہولڈرز کو اندرون ملک اور بین الاقوامی ٹکٹوں کی خریداری پر 20 فیصد تک خصوصی رعایت دے گا۔
معائدے پر دستخط سی ای او پی آئی اے ائیر مارشل ارشد ملک اور صدر و سی ای او حبیب بینک اورنگزیب خان نے کئے جبکہ اس موقع پر معروف بینکار اور چئیرمین حبیب بینک سلطان علی الانا اور اعلی عہدیدار بھی موجود تھے ۔
پی آئی اے اور حبیب بینک کے تجارتی تعلقات دہائیوں پر محیط ہیں اور اس شراکت داری میں کئی طرح کے بینکنگ پراڈکٹس مثلا ملک بھر کی ترصیلات، ادائیگیاں، پے رول مینجمنٹ، پوائنٹ آف سیل مشینیں، اور تجارتی قرضہ جات شامل ہیں۔ دونوں اداروں نے اس کے علاوہ کچھ غیر ملکی معاملات جس میں سینڈیکیٹڈ ڈالر کثیر المیعادی فنانسنگ فسیلیٹی اور پی آئی اے کے جاتی کردہ سکوک بانڈز میں تعاون بھی جاری ہے۔
ملک میں صارفین کے سب سے بڑے نیٹ ورک ہونے کے حامل حبیب بینک کی پی آئی اے کے ساتھ شراکت داری سے ملک میں سیاحت کو فروغ دینے میں بہت مدد ملے گی۔ حکومت پاکستان کے وژن سے مطابقت رکھتے ہوئے پی ائی اے بھی ملک میں سیاحت کے فروغ کیلئے ایک بڑا نیٹ ورک ترتیب دے رہا ہے اور اس سہولت سے ایک بہت بڑا طبقہ سیاحت کی طرف راغب ہوسکے گا۔
مزید پڑھیں:اینگرو فرٹیلائزرز نے پاکستان ڈیجیٹل ایوارڈز میں 3ایوارڈز جیت لئے
