گذشتہ ہفتے 23 لاکھ افراد کو ویکسین کی خوراک فراہم کی گئی، اسد عمر

اسلام آباد: وفاقی وزیر منصوبہ بندی اور نیشنل کمانڈ اینڈ کنٹرول سینٹر کے سربراہ اسد عمر کا کہنا ہے کہ اب تک پاکستانی کے تعاون سے کورونا ویکسینیشن کا عمل بہترین طریقے سے جاری ہے۔

سماجی رابطے کی ویب سائٹ ٹوئٹر پر جاری اپنے پیغام میں وفاقی وزیر اسد عمر نے کہا ہے کہ پچھلے ہفتے 12 تا 18 جون 23 لاکھ ویکسینیشنز کی گئیں۔

Last week jun 12-18, more than 23 lakh vaccinations were done at a rate of 332,877 per day. This is the highest so far in any week. With 1.5 million vaccines arriving today and another almost 5 million in next 10 days, inshallah next week will be a new record. Well done Pakistan

— Asad Umar (@Asad_Umar) June 20, 2021

این سی او سی کے سربراہ کا کہنا ہے کہ 12 جون سے 18 جون تک یومیہ 3 لاکھ 32 ہزار 877 لوگوں کو ویکسین کی خوراک دی گئی۔

وفاقی وزیر منصوبہ بندی نے کہا ہے کہ 12 تا 18 جون کی ویکسینیشنز ایک ہفتہ کی سب سے زیادہ ویکسینیشنز ہیں۔

اسد عمر نے اپنے سوشل میڈیا پیغام میں مزید کہا ہے کہ آج 15 لاکھ ویکسین ڈوزز پاکستان پہنچا دی جائیں گی جبکہ اگلے 10 دن میں 50 لاکھ ویکسین بھی پہنچادی جائیں گی۔