احتساب عدالت کاشہباز شریف کے بیٹے سلمان شہباز کے اثاثے ضبط کرنے کا حکم

لاہور:احتساب عدالت نے اپوزیشن لیڈرشہباز شریف کے صاحبزادے سلمان شہباز کے تمام اثاثے اور جائیدادیں ضبط کرنے کا حکم دیدیاہے۔

احتساب عدالت کے جج چوہدری امیر محمد خان نے سماعت کی جس میں نیب کی جانب سے سلمان شہباز کی جائیداد قرقی کیے جانے کے حوالے سے رپورٹ پیش کی گئی ، رپورٹ میں کہا گیا کہ عدالتی احکامات پر سلمان شہباز کی طلبی کے حوالے سے ان کی رہائش گاہ اور عدالتی دروازے کے باہر شتہارات چسپاں کر دئیے گئےہیں ۔

احتساب عدالت نے نیب کو جائیدادیں قرق کیے جا نے اور متعلقہ محکموں کو آگاہ کرکے رپورٹ جمع کرانے کی بھی ہدایت کر دی ۔